नर्स चुकुल लगाएर बसेपछि गर्भवतीको अस्पतालमै मृत्यु


प्रकाशित मिति :2016-12-14 13:20:26

महिला खबर

लुम्बिनी अञ्चल अस्पताल बुटवलमा मृत्यु भएकी राधिका पाण्डेका आफन्त अस्पताल परीसर शाेकमा

लुम्बिनी अञ्चल अस्पताल बुटवलमा मृत्यु भएकी राधिका पाण्डेका आफन्त अस्पताल परिसरमा रुँदै

बुटवल । उपचारमा भएको बेवास्ता र लापरबाहीले सुत्केरी हुन अस्पतालमा भर्ना भएकी एक गर्भवती महिलाको लुम्बिनी अञ्चल अस्पताल बुटवलमा मंगलबार मृत्यु भएको छ।

सामान्य सुत्केरी व्याथा सुरु भएपछि सोमबार बिहान अस्पताल भर्ना भएकी स्याङ्जा वालिङ घर भै बुटवलको बेलवासमा बस्ने २८ वर्षे राधिका पाण्डे दिक्षाको मृत्यु भएको हो। निरन्तर व्याथासँगै कम्पन र रक्तश्राव भएपनि नर्सहरुले रेखदेख नगर्दा र समयमा चिकित्सकलाई खबर नगरिदिँदा उनको मृत्यु भएको आफन्तको आरोप छ। अस्पतालले भने गर्भवतीकोे रगत र पानी सकिएर एक्कासी फोक्सो र मुटुले काम नगर्दा मृत्यु भएको बताएको छ।

मृतकका आफन्तका अनुसार डा. विवि राउतसँग नियमित जाँच गराएकी राधिका चिकित्सककै सल्लाहमा आईतबार अस्पतालमा आएकी थिइन्। अस्पतालले भने ठाउँ नभएको भन्दै सोमबार बोलाएको थियो। सोमबार बिहान साढे ६ बजे पुन अस्पताल आएकी उनलाई पाठेघर नखुलेको बताउँदै डाक्टरले शल्यक्रिया गर्नुपर्ने बताएका थिए। तत्काल शल्यक्रियाका लागि बिहान १० बजे चिकीत्सकहरुले आफन्तको मन्जुरी समेत लिएका थिए। नर्सले भने अस्पतालमा पालो नपाएको भन्दै दिउसोबाट व्याथा लाग्ने सुई तथा औषधी दिएर राखेका थिए।

लगातार वेथा सहेकी राधिका राति १२ बजेदेखि आत्तिएकी थिइन्। वेथासँगै अत्यधिक रक्तश्राव र कम्पन सुरु भएपनि नर्सहरूले भने सामान्य अवस्था छ भनेर बेवास्था गर्दा बिरामीको मृत्यु भएको कुरुवा सासु भिमकला पाण्डेले गुनासो गरिन्। ‘रातभरि उनी आत्तिइन्, पटक पटक नर्सलाई बोलाउन गयौं’ उनले रुँदै भनिन्  ‘तर नर्सहरू हेर्न पनि आएनन्।’

बृद्ध आमा र सासुसँग अस्पताल बसेकी उनले बिहान करिब ३ बजे सहन गाह्रो भएको र नर्सहरु नभेटिएको भन्दै आफन्तलाई फोन गरेर बोलाएकी थिइन्। अस्पताल आएका मामामाइजुलेे खोजी गरेपछि बिहान करिब साढे ४ बजे मात्रै चुकुल लगाएर बसेका नर्सहरू ढोका खोलेर बाहिर आएका थिए। बेडमै दिसापिसावसहित रक्ताम्य भएकी बिरामी छेउ भने नगएको माइजु इश्वरा तिवारीले गुनासो गरिन्। नर्सले नहेरेपछि उनीहरू कोही डक्टर खोज्न त कोही बिरामी सम्हाल्न खटेका थिए।

बिहान ५ बजे राधिकाको पाठेघरबाट ठूलो आवाज निस्केको थियो। त्यसपछि बेहोस भएकी उनी होसमा फर्किनन्। बेहोस भएपछिमात्रै स्त्री तथा प्रसुति रोग विशेषज्ञ विवी राउतको टोली पुगेको थियो । सामान्य प्रसूति कक्षमा रहेकी उनलाई चिकित्सकको टोलीले आइसीयु कक्षमा लगेर बिहान ६ बजे मृत घोषणा गरेका थिए। मृतकका ८ वर्षे एक छोरा छन्। श्रीमान वैदेशिक रोजगारीको क्रममा मलेसियामा छन्।

अस्पतालका निमित्त मेडिकल सुपरीटेण्ड डा. किरणमणि पौडेलले गर्भवतीको फोक्सो र मुटुले काम नगर्दा मृत्यु भएको बताए। पाठेघर नखुलेको र ठूलो शिशु भएकाले मंगलबार बिहान शल्यक्रिया गर्ने तयारीमा रहेपनि शरीरको रगत र पानी सकिएर अचानक मृत्यु भएको उनले दावी गरे।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: