सुत्केरी तथा गर्भवती महिलालाई सहयोग कार्यक्रम


प्रकाशित मिति :2016-12-16 14:14:59

महिला खबर

क्षमता अभिबृद्धि तालिममा सहभागी महिला स्वास्थ्य स्वयंसेविकाहरू

क्षमता अभिबृद्धि तालिममा सहभागी महिला स्वास्थ्य स्वयंसेविकाहरू

दोलखा । दोलखाको बाँबरे गाविसमा रहेका गर्भवती तथा सुत्केरी महिलाको स्वास्थ्य सेवामा सहयोग पुर्‍याउने र भूकम्पपछि क्षतिग्रस्त स्वास्थ्य भवन निर्माण एवं व्यवस्थापन गर्न हुराडेक नेपाल दोलखाले मातृ शिशु स्वास्थ्य प्रर्वद्धन कार्यक्रम सञ्चालन गरेको छ ।

भूकम्पपछि बाँबरे गाविसमा स्वास्थ्य चौकीको भवन नहुँदा त्यहाँका सुत्केरी तथा गर्भवती महिलालाई समस्या भएकाले जिल्लामा नमूनाको रुपमा कार्यक्रम सञ्चालन गरिएको र त्यसले सुत्केरी तथा गर्भवती महिला विशेष रुपमा लाभान्वित भएको कार्यक्रम संयोजक सागर खड्काले बताए । ९ महिने कार्यक्रम अवधिमा ८० लाख रुपैयाँ बराबरको सुविधा सम्पन्न स्वास्थ्य भवन निर्माण तथा चेतनामूलक कार्यक्रम सञ्चालन गरिने संयोजक खड्काले बताए ।

कार्यक्रम अन्र्तगत बाँबरे गाविसमा रहेका २३ जना महिला स्वाथ्य स्वयंसेविका र वडा नागरिक मञ्चका संयोजक, आमा समूहका संयोजक तथा स्वास्थ्य क्षेत्रमा क्रियाशील केही शिक्षकलाई मातृ तथा शिशु बाल्यकालिन स्वास्थ्य सुधार सम्बन्धि तालिम समेत दिईएको हुराडेक नेपाल दोलखाले जनाएको छ ।

पछिल्लो तथ्याङ्क अनुसार बाँबरे गाविसमा ५१ जना गर्भवती महिला र दुईसय ४२ जना सुत्केरी महिला रहेका छन् । कार्यक्रम अन्र्तगत १०३ जना सुत्केरी महिलालाई महिला तथा बालबालिकासँग सम्बन्धित सामग्री भएको डिगनिटी किट वितरण गरिएको कार्यक्रम संयोजक खड्काले बताए ।

कार्यक्रमको क्रममा गाविसमा गर्भवती तथा सुत्केरी महिलाको तथ्याङ्क सङ्कलनलाई निरन्तरता दिने, उनीहरूलाई आफ्नो स्वास्थ्य सुधारका लागि अपनाउनु पर्ने सर्तकता बारे जानकारी गराउने, नियमित स्वास्थ्य परिक्षणका लागि स्वास्थ्य संस्थामा जाने वातावरण बनाउने, स्वास्थ्य सुधार तथा जाँचका लागि आवश्यक सहयोग गर्ने, महिला स्वास्थ्य स्वयंसेवीकाहरूका लागि दक्षता अभिबृद्धि सम्बन्धि तालिम दिनेलगायतका गतिविधि सञ्चालन गरिने हुराडेक दोलखाका अध्यक्ष हाम पाठले बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: