छाउपडीले फेरि लियो ज्यान


छाउगोठमा बसेकी रोशनीको निस्सासिएर मृत्युः प्रहरी

प्रकाशित मिति :2016-12-19 11:12:40

महिला खबर

chaugothललितपुर । अछाम जिल्लाको गाज्रा गाविसमा आइतबार एक किशोरीको छाउगोठमै मृत्यु भएको छ । १५ वर्षिया रोशनी तिरुवालाई छाउपडी गोठमा मृत अवस्थामा फेला पारिएको जिल्ला प्रहरी कार्यालय अछामले जनाएको छ ।

महिनावारीका कारण गत शुक्रबारदेखि गोठमा सुत्न थालेकी तिरुवा शनिबार बेलुका पनि खाना खाइवरी त्यहाँ सुत्न गएकी थिइन् । आइतबार बिहान सात बजेसम्म नउठेपछि परिवारले हेर्न जाँदा मृत अवस्थामा फेला परेको जिल्ला प्रहरी कार्यालय अछामका निमित्त कार्यालय प्रमुख गणेशसिहं महतोले वताउनुभयो ।

रोशनीका बुवा भरत तिरुवाले छोरीलाई उठाउन खोज्दा छोरी मरिसकेको भन्दै प्रहरीलाई खबर गरेका थिए । रोशनी सुतेको छाउगोठ उनको घरदेखि १९ फिट टाढा रहेको छ ।

प्रहरी प्रमुख महतोका अनुसार जाडोमा गोठमा आगो बालिएको देखिएको र हावा आउने जाने कुनै झ्याल नभएकोले धुँवाले निस्सासिएर उनको मृत्यु भएको हुनसक्ने बताउनुभयो । पोष्टमार्टमको रिपोर्ट आएपछि यथार्थ कुरा आउने उहाँको भनाई छ । ‘मृतकको शरीरमा कुनै चोटपटक छैन, गोठमा आगो बालेको देखिएको छ । हावा जाने आउने ठाउँ छैन, जसले निस्सासियर मृत्यु भएको देखिन्छ ।’

छाउगोठमा दश महिलाले ज्यान गुमाइसके
अछाममा हालसम्म छाउगोठमा बस्दा दश जना महिला तथा किशोरीको मृत्यु भइसकेको छ । छाउ गोठमा बस्ने कति महिलाले ज्यान गुमाए भन्ने यकिन तथ्याङक नभएपनि २०६३ यता दश महिलाले ज्यान गुमाएको महिला तथा बालबालिका कार्यालय अछामले जनाएको छ ।

गत ४ मंसिरमा जिल्लाको तिमिल्सैन गाविस ७ की २६ वर्षीया डम्बरा उपाध्यायको पनि छाउपडी गोठमै ज्यान गएको थियो । डम्बराको मुत्यु भएको एक महिनामै अछाममा अर्की एक किशोरीले छाउगोठमै ज्यान गुमाउनुपरेको छ । अछाम जिल्लाका ३१ गाविसलाई छाउपडी गोठमुक्त घोषणा गरिएको छ । गाज्रा गाविस पनि छाउपडीमुक्त घोषणा गरिएको गाविस पर्दछ ।

यो पनि पढ्नुस…

मनमा रहेको छाउ गोठ भत्काउन सकिएन : प्रमुख अर्याल

फाईल तस्विर

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: