सरस्वतीको मृत्युबारे छानबिन गर्न माग


घटना अध्ययन गर्दैछौंः प्रहरी

प्रकाशित मिति :2016-12-19 12:11:00

दुर्गा देवकोटा
tikapur-newsटीकापुर । लम्कीस्थित चुहा नगरपालिका भल्काकी सरस्वती बसुटेलको मृत्यु रहस्यमय भएको भन्दै उनका माइतीले सत्यतथ्य पत्ता लगाउन माग गरेका छन् । बसुटेलका भाई चक्र तिमिल्सेनाले आइतबार टीकापुरमा पत्रकार सम्मेलन गरी दिदीको हत्या परिवारबाटै भएको भन्दै पीडकलाई कारवाहीको माग गर्नुभएको छ ।

तिमिल्सेनाका अनुसार लैंगिक हिंसा विरुद्धको १६ दिने अभियान अन्र्तगत मंसिर २४ गते भएको एक कार्यक्रममा सहभागी भएर सरस्वती बेलुकी पाँच बजे नै घर फर्किएकी थिइन् । घर फर्किएपछि ससुरा र श्रीमान् मिलेर उनको हत्या गरेको उहाँको आरोप छ । दिदीको सन्तान नभएकै कारण भिनाजु बालाराम बसुटेलले विभिन्न खाले हिंसा गर्दै आएको उनको भनाई छ । दिदीको मृत्यु भइसकेको खबर ढिलो गरि र अरुले भनेपछि मात्रै थाहा पाएको भन्दै उहाँले हत्यालाई आत्महत्या भन्दै ढाकछोप गर्न खोजिएको समेत बताउनुभयो ।

जिल्ला प्रहरी कार्यालय कैलालीले हाल सरस्वतीका ससुरा कृष्णप्रसाद र पति बालारामलाई नियन्त्रणमा लिएको छ । इलाका प्रहरी कार्यालय लम्कीका प्रहरी निरीक्षक मदन कुंवरले भन्नुभयो, ‘अहिले हामी अनुसन्धानको क्रममा छौं । सत्य पत्ता लाग्नेछ, दोषी उम्कने ठाउँ छैन ।’

मृतक सरस्वती अन्र्तपाटी महिला संजाल लम्कीको पूर्व अध्यक्ष तथा नेपाल महिला संघको सभापति समेत रहनुभएको थियो । सरस्वतीको मृत्यु भएपछि लम्की क्षेत्रका राजनीतिक, सामाजिक संघसंस्थाका महिलाहरुले घटनाको सत्य थत्य छानविनको माग गर्दै पीडकलाई कारवाहीको माग गर्दै विज्ञप्ती समेत जारी गरेका छन् । हिंसा विरुद्धको अभियान चलिरहेकै बेला एउटी महिलाको रहस्यमय मृत्यु हुनुले महिलाको सुरक्षा अवस्था गम्भिर भएको भन्दै घरेलु हिंसा वा मानसिक तनावले अकालमा महिला मर्ने र मारिने कार्यको अन्त्यको माग गरेका छन् ।

    Comment Here!

Related NEWS
मुख्य खबर

तिमी र म

-कमला राई- (मिरिक, दार्जिलिङ) म र तिमी तिमी र म म छु र नै तिमी छौ। तिमी छौ र नै

इलेक्ट्रा कम्प्लेक्स

-इल्या भट्टराई-  चिनले आज पनि फेरि इमेल पठाएकी रहिछे । हिजो पनि पठाएकी थिई ।

हामी नाभीहरू

-लिला सिंगक लिम्बु- बुवा आमाको मुटुको टुक्रा ८ नाभिहरु हामी हामी केही रहर सँग आयौ केही सपनासँग त केही परिस्थितिहरुसँग जसरी

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

Read more
© 2015.All rights reserved by mahilakhabar.com
%d bloggers like this: