दृष्टिविहीन महिला झनै पीडित


प्रकाशित मिति :2016-12-21 15:10:25

महिला खबर

सुनसरी । ४८ वर्षीया धरानकी कृष्णकुमारी मगरले २० वर्षको उमेरमा आँखाको ज्योति गुमाइन् । ‘पहाडमा खेतमा काम गर्दागर्दै झयाप्प विजुलीको लाइन गएजस्तै भयो’ उनी स्मरण गर्छिन् । डक्टरलाई देखाएपनि बीसको उन्नाइस भएन । दृष्टिविहीन भएपछि हेलोहोचोदेखि हरेकखाले दुव्र्यवहार खेप्नुपरेको उनको गुनासो छ । ‘आँखै नदेखेपछि समस्या त हुने भइहाल्यो त्यसवाहेक समाजले पनि हेलोहोचो गर्दा चित्त दुख्छ’ मगरले भनिन् ।

सुनसरीको इटहरी उपमहानगरपालिकामा बसोवास गर्ने एक परिवारमा दुई छोरी र दुई छोरा छन् । उनीहरू सवै दृष्टिविहीन छन् । आँखामात्र नदेख्ने होइन उनीहरू मध्ये तीन जना शारीरिक रुपले समेत अपाङग छन् । उनीहरू सवैले दिसापिसाव गर्नदेखि खाना खान, नुहाउन धुन अरुकै सहारा लिनुपर्छ । उनीहरू ११ देखि २६ वर्ष उमेरका छन् । उनीहरूकी आमा मनमाया भन्छिन् “सवैका छोराछोरी हिँड्छन् डुल्छन्, रमाउँछन्, आफ्नो यस्तो हुँदा मन रुन्छ नि ! कसलाई के भन्नु ।’ समाजमा मान्छेहरूले आफ्ना छोराछोरीलाई छि : छि : दुरदुर गर्दा उनको चित्त नमज्जाले कुँडिन्छ । भन्छिन् ‘उनीहरूका छोराछोरीलाई छुनसम्म पनि दिँदैनन्, सर्छ जस्तो गर्छन् कत्ति चित्त दुख्छ ।’

समाजमा धेरै प्रकारले महिला पीडित छँदैछन् त्यसमाथि दृष्टिविहीन महिलाको समस्या झनै वढि भएको महिला तथा बालबालिका संरक्षण मन्चकी अध्यक्ष उमिता विश्वकर्मा बताउँछिन् । दृष्टिविहीन महिलाको समस्या न्यूनिकरणका लागि उनीहरूलाई सीप सिकाएर आत्मनिर्भर वनाउनुपर्ने उनको भनाइ छ । सुनसरी नेत्रहिन संघका अध्यक्ष इन्द्रकुमार लिम्बु दृष्टिविहीन तथा अपांगता भएका महिला अनेक किसिमका हिंसामा पर्दै आएको वताउँछन् । उनीहरूलाई समाजले हेर्ने दृष्टिकोणमा परिवर्तन गर्नुपर्ने उनले बताए । राज्यले पनि विशेष किसिमका कार्यक्रम सन्चालन गरेर उनीहरूलाई सम्मानित जीवन विताउने वातावरण वनाउनु पर्ने लिम्वूको भनाई छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: