बहिनीहरूका मुद्दा भाइहरूले पनि बुझ्नुपर्छ


प्रकाशित मिति :2016-12-21 17:21:17

महिला खबर


काठमाडौं। राष्ट्रिय योजना आयोगका कार्यक्रम निर्देशक डा. किरण रुपाखेतीले किशोरीका समस्याबारे उनीहरूका दाजुभाई र पुरुष साथीलाई जानकारी भएमा मात्र उनीहरूलाई सहज हुने बताउनुभएको छ । नेपालको संविधान र अन्य कानुनमा किशोरीको लागि व्यवस्थाहरू विषयमा गरिएको अन्र्तक्रिया कार्यक्रममा बोल्दै उहाँले भोलीका आमा अर्थात आजका किशोरीले आफ्ना मुद्दाहरूमा पुरुषलाई पनि सहभागी गराउनुपर्ने बताउनुभयो ।

उहाँले दक्षिण एसियामा किशोरीको अवस्था सुर्धान शुरुमा आमाको अवस्था सुर्धानुपर्ने भन्दै महिलालाई शिक्षित बनाउनुपर्ने बताउनुभयो । उहाँले किशोरीहरू मात्र सहभागी उक्त कार्यक्रममा स्कुलका किशोरहरूलाई नल्याएको भन्दै गुनासो समेत गर्नुभयो ।

कार्यक्रममा अधिवक्ता मीरा ढुंगानाले महिलालाई राज्यले दिएका सबै अधिकारहरू किशोरीका समेत भएको भन्दै संविधान र मुलुकी ऐनमा भएका कानुनी व्यवस्थाबारे कार्यपत्र पेश गर्नुभयो ।

कार्यक्रममा विकल्प ज्ञान तथा विकास केन्द्रकी निर्देशक स्टेला तामाङले नेपालमा कुल जनसंख्याको २४ प्रतिशत जनसंख्या किशोरकिशोरीको भएकोले उनीहरूको बारेमा राज्यले छुट्टै व्यवस्था गर्नुपर्ने बताउनुभयो । उहाँले भन्नुभयो, ‘यो उमेर समूहका जनसंख्या खासगरि किशोरीहरू कहिले बालबालिका त कहिले महिलाभित्र मिसिँदै हराइरहेका देखिन्छन्, उनीहरूलाई छुट्टै सम्बोधन गर्ने कानुन आवश्यक छ ।’ उहाँले बालविवाह, मानव ओसारपसार, बलात्कार र साइबर अपराधबारे उपस्थित किशोरीलाई जानकारी समेत गराउनुभएको थियो । कार्यक्रममा काठमाडौंका विभिन्न स्कुलबाट करिब १८० किशोरी सहभागी भएका थिए ।

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: