महिला नेतृत्वलाई पुरुषको असहयोग


प्रकाशित मिति :2016-12-23 16:17:24

महिला खबर


ललितपुर । सामुदायिक वनका महिला नेतृत्वलाई पुरुष सदस्यको असहयोग हुने गरेको एक अध्ययनले देखाएको छ । शुक्रबार काठमाडौंमा आयोजित लैंंगिक समावेशीकरणको नीति तथा सवालहरूको प्रभावकारी सम्बन्धी अन्र्तक्रियामा प्रस्तुत प्रतिवेदनले नेतृत्व तहमा पुगेका महिलालाई लिङ्गको आधारमा विभेद हुने गरेको देखाएको छ ।

अध्ययनकर्ता तथा क्रियाशील पत्रकार महिलाका अध्यक्ष शुभेच्छा विन्दु तुलाधर तथा अध्ययनकर्ता शंकर पोखरेलले सो प्रतिवेदन प्रस्तुत गर्नुभएको थियो । अध्ययनकर्ताद्वयका अनुसार मकवानपुर, बारा, लमजुङ, बाँके र बर्दिया जिल्लाका सामुदायिक वनका उपभोक्ता समूहको अध्ययनपछि सो प्रतिवेदन सार्वजनिक गरिएको हो ।

प्रतिवेदनका अनुसार महिला अध्यक्ष, उपाध्यक्ष र कोषाध्यक्ष रहेका सामुदायिक वनका उपभोक्ता समितिहरूमा पुरुषले असहयोग गर्ने गरेका छन् । ‘महिला अध्यक्ष वा पदाधिकारी रहेको उपभोक्ता समितिमा परुषले सहयोग नगरेको पाइयो, उनीहरूले समितिका महिला नेता भन्दा कार्यालय सहयोगीको विश्वास गर्ने गरेको देखियो,’ अध्ययनकर्ता शुभेच्छा तुलाधरले भन्नुभयो ।

उहाँले महिला अध्यक्ष तथा सचिवले बोलाएका बैठकमा पुरुषहरू उपस्थित नहुने, उनीहरूले गरेको निर्णय कार्यान्वयन नगर्ने तथा अन्य काममा समेत वेवास्ता गर्ने गरेको बताउनुभयो ।

पुरुषले महिलाका कारण आफूहरू नेतृत्वबाट विमुख हुनुपरेको भन्दै असहयोग गरिरहेको समेत प्रतिवेदनमा उल्लेख छ । नेतृत्वमा रहेका महिला सम्बन्धित कानुनबारे जानकार नहुँदा र व्यवस्थापकीय क्षमताको अभाव हुँदा पुरुषहरूले सहयोगको साटो अप्ठेरो पार्ने गरेको अध्ययनबाट देखिएको तुलाधरले प्रस्ट्याउनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: