घरजग्गा किनबेच गर्ने महिलाको संख्या बढ्यो


प्रकाशित मिति :2016-12-25 13:42:32

बेलिना थापा

लमजुङ। जिल्ला मालपोत कार्यालयमा महिलाको नाममा घरजग्गा किनबेच गर्नेहरूको संख्यामा वृद्धी भएको छ। यसको प्रमुख कारणमा महिलाको नाममा घरजग्गा किनबेचमा २५ प्रतिशत छुटको व्यवस्था भएकाले गर्दा पनि भएको प्रमुख मालपोत अधिकृत हरिहर दाहालले बताउनुभयो। उहाँले भन्नुभयो, ‘महिलाको नाममा घरजग्गा किनबेच गर्दा रजिस्ट्रेशन दस्तुरमा २५ प्रतिशत छुट हुन्छ। यो छुट एकल महिलालाई पनि हो।’

यो आर्थिक वर्षको मंसिर मसान्तसम्म एक हजार ७८ जनाले घरजग्गा किनबेच गरेका छन्। जसमा ५३० जना महिलाले घरजग्गा किनबेच गरेका छन्। मालपोत कार्यालयले पुरुषको नाममा भएको घरजग्गा महिला र पुरुष दुवैको नाममा कारोबार गर्ने व्यवस्था समेत गरेको छ। पति पत्नीबिच आपसी सम्बन्ध सुदृढ गर्ने उद्देश्यले दुवैको नाममा घरजग्गा कारोबार गर्न थालिएकोे कार्यालयले जनाएको छ।

यस्तो व्यवस्था लागूभएसँगै कार्यलयमा दम्पतिहरू कारोबारका लागि आउन थालेका छन्। यसले पनि महिलाको नाममा हुने घरजग्गा कारोबार बढाएको छ। चालु आर्थिक वर्षमा पाँचजना दम्पत्तिले संयुक्त घरजग्गा कारोबार गरेका छन्। कार्यालयले दुवैको नाममा घरजग्गा पास गर्न एकसय रुपैयाँ मात्र लाग्ने समेत बताएको छ।

कार्यालयले आर्थिकवर्ष २०७३/७४ को मंसिर मसान्तसम्म्ा जग्गा रजिस्टे्रशनबाट दुई करोड भन्दा बढी राजस्व संकलन गरेको छ। मंसिर मसान्तसम्म जिल्लाका नगरपालिका भित्रको घरजग्गा रजिस्ट्रेसनबाट एक करोड ९१ लाख ८५ हजार ८ सय ५४ रुपैयाँ राजस्व संकलन भएको छ। अन्य गाविसले घरजग्गा रजिस्ट्रेशनबाट १८ लाख ९२ हजार २ सय ३४ रुपैयाँ राजस्व संकलन गरेका छन्।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: