महिला बन्दी गृहमा पुरुष


प्रकाशित मिति :2016-12-28 11:37:30

सर्मिला बुढाथोकी

दोलखा। सदरमुकाम चरिकोटमा रहेको कारागारको महिला बन्दी गृहमा पुरुष कैदी/बन्दी राखिएकाले महिला कैदी/बन्दीलाई अन्य जिल्लामा पठाउने गरिएको छ।

भूकम्पले भवन क्षतिग्रस्त भएपछि शान्ति तथा पुर्ननिर्माण मन्त्रालयले पुरुष र महिला राख्ने छुट्टाछुट्टै नयाँ बन्दीगृह बनाउन बजेट विनियोज गरेको भएपनि ठेकेदारले पुरुष बन्दी गृह समयमै सम्पन्न नगरेकाले महिला बन्दि गृहमा पुरुष कैदी/बन्दी राखिएको चरिकोट कारागारका प्रमुख मुकुन्द पन्थले बताए।

महिलाको तुलनामा पुरुष कैदी/बन्दीको संख्या अत्यधिक भएकाले अर्को भवन नबन्दासम्म महिला कैदी/बन्दीलाई अन्यत्र पठाई पुरुषलाई राख्नु परेको कारागार प्रमुख पन्थको भनाई छ। भवनको अभावको कारण चालु आर्थिक वर्षमा ३ जना महिला बन्दीलाई अन्यत्र पठाउनु परेको कारागार प्रमुख पन्थले जानकारी दिए।

अन्यत्र पठाईएको तीनजना महिला कैदी/बन्दी मध्ये दुईजनालाई रामेछाप कारागारमा र एक जनालाई काठमाडौं पठाईए छ। नजिक हुने भएकाले अधिकांश महिला कैदी/बन्दीलाई रामेछाप पठाईने गरेको पन्थको भनाई छ। आर्थिक वर्ष ०७३/०७४ अघि ४ जना महिलालाई अन्यत्र पठाई सकिएको कारागार प्रमुख पन्थले बताए। यसरी भवनको अभावमा अहिलेसम्म सातजना महिला कैदी/बन्दीलाई अन्यत्र पठाईएको कार्यालयले जनाएको छ।

चरिकोट कारागारमा निर्माण गरिएको १७ जना राख्न सकिने महिला बन्दीगृहमा अहिले ७१ जना पुरुष कैदी/बन्दीलाई राखिएको कार्यालयले जनाएको छ। ५० जना पुरुष राख्ने बन्दीगृह निर्माण हुँदै गरेकाले अब चाँडै महिला कैदी बन्दीलाई पनि चरिकोट कारागारमा नै राख्न सकिने प्रमुख पन्थले बताए।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: