जिब्रोमै झुण्डिने लप्सीका परिकार (फोटो फिचर)


प्रकाशित मिति :2017-01-01 11:30:55

गाउँघरमा खेर जाने लप्सी संकलन गरी दोलखाका महिलाले अचार बनाई आम्दानी गर्न थालेका छन्। 

सर्मिला बुढाथोकी

लप्सीको मस्याैरा बनाउँदै मिर्गेका महिला

दोलखा। जिल्लास्थित मिर्गे गाविसकी नन्दकुमारी दाहाल हिजोआज कसैले लप्सीको अचारबारे सोधपुछ गर्‍यो भने मख्खै पर्छिन्। नहुन् पनि किन? उनले बनाएको अचारलाई अचार बनाउन सिकाउने प्रशिक्षकले नै जिब्रोमै झुण्डिने स्वादिलो मानेपछि! दाहाल भन्छिन्, ‘सबैले मीठो मानेकोले अब व्यवसायिक रुपमै लप्सीको अचार बनाउने सोचमा छु।’

गाउँघरमा सहजै पाईने लप्सी त्यसै खेर जाने भएपनि अचार बनाएर बिक्री गर्न सकिन्छ भन्ने ज्ञान नहुँदा यसबारे पहिले कसैले चासो नदिएको दाहालको अनुभव छ। लप्सीका परिकारको माग अन्य जिल्लाबाट समेत आउन थालेको उनी बताउँछिन्। ‘अहिले तीन पाथी लप्सीको परिकार बनाएर बेच्न सक्यो भने १० हजार रुपैयाँ सजिलै कमाउन सकिन्छ। अरु जिल्लामा पनि पठाउन सकियो भने झन् फाइदा हुन्छ,’ उनी भन्छिन्।

 

एक वर्ष अगाडि दोलखाको मिर्गे गाविसका महिलालाई लक्षित गरी काष्ठ कालिढुङ्गा शिवालय लप्सी क्याण्डि प्रसोधन केन्द्रले जिल्ला लघु उद्यम विकास केन्द्र दोलखाको सहयोगमा छ जना महिलालाई लप्सीको अचार बनाउने तालिम दिएको थियो। तालिममा सहभागी केही महिलाले तालिम व्यवसायिक रुपमै अचार बनाउन थालेको शिवालय लप्सी क्याण्डि प्रशोधन केन्द्रका अध्यक्ष ईश्वर दाहालले जानकारी दिए।

‘हामीले तालिम दिएका केही महिला व्यवसायिक रुपमा नै अगाडि बढ्नु भएको छ जसले काम गर्न चाहने अन्य महिलाहरूलाई पनि उत्साहित बनाएको छ,’ उनी भन्छन्। गाउँमा उपलब्ध लप्सी, अमला जस्ता फलबाट विभिन्न परिकार बनाउने र त्यसलाई व्यवसायकै रुपमा लान महिलालाई प्रेरित गर्नुपर्ने उनको भनाई छ।

 

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: