पाँचवर्ष मुनिकालाई पोषण भत्ता


प्रकाशित मिति :2017-01-06 14:07:53

शिवराज खत्री

अछाम । पाँच वर्ष मुनिका सबै बालबालिकाले मासिक रुपमा ४ सय रुपैँया बाल पोषण भत्ता पाउने भएका छन् । मानव विकास सुचकांकमा सबैभन्दा पछाडी परेको जिल्ला अछाममा बाल संरक्षण अनुदान अन्र्तगत भत्ता दिन लागिएको हो ।

सरकारले चालु आर्थिक वर्षको माघ महिनादेखि नै जिल्लाका सबै बालबालिकालाई भत्ता दिने व्यवस्था मिलाएको छ । संघीय मामिला तथा स्थानीय विकास मन्त्रालयले जिल्ला विकास समितिलाई पत्र पठाउँदै आर्थिक वर्ष ०७३/०७४ को बजेटमा सबै क्षेत्रका विपन्न परिवारका २ जना बालबालिकाले क्रमशः बाल संरक्षण अनुदान प्राप्त गर्दै जाने उल्लेख भए बमोजिम अनुदान दिन लागिएको बताएको छ ।

पत्र अनुसार एकै परिवारका बढिमा दुई बालबालिका र भर्खर जन्मिएकादेखि पाँच वर्षभित्रका बालबालिकाले मात्र सो भत्ता पाउने छन् ।
मन्त्रालयले बाबु वा आमा मध्ये कुनै एक सरकारी सेवा तथा औपचारिक संगठन सेवामा लागेका वा कुुनै व्यवसाय दर्ता गरी बसेको भए तिनका बालबालिकालाई पनि बाल पोषण भत्ता नदिने स्पस्ट पारेको छ ।

पत्रमा पोषण भत्ता पाउन योग्य बालबालिकाको तथ्याङ्क र दरखास्त माघ मसान्तसम्म संकलन गर्ने र सोको आधारमा बजेटको अख्तियारी माग गर्नुपर्ने पनि उल्लेख गरिएको छ । मन्त्रालय अन्र्तगतको केन्द्रीय पञ्जीकरण विभागले प्रत्येक गाविस तथा नगरपालिकामा बाल पोषण भत्ता पाउन योग्य बालबालिकाको तथ्यांक संकलनमा गाविस सचिव तथा नगरका वडा सचिवलाई परिचालन गर्न र उनीहरूलाई यस बारेमा तालिम दिन निर्देशन दिएको छ ।

जिविसका योजना अधिकृत मित्रदेव लम्सालले बालबालिकाको पोषण अवस्था सुर्धाने उद्देश्यले सरकारले यो कार्यक्रम ल्याएको र बालबालिकाको तथ्यांक संकलनका लागि तत्कालै गाविस सचिवलाई परिचालन गरिने जानकारी दिनुभयो । अछामका स्थानीय विकास अधिकारी तोयानारायण सुवेदी भन्नुहुन्छ, ‘भत्ता आवश्यक भएका बालबालिकाले मात्र पाउन भन्ने हाम्रो उदेश्य हो, यसबारे सबै सरोकारवासँग छलफल गर्नेछौं ।’

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: