पत्रकार महासंघमै महिला सहभागिता आवश्यक


प्रकाशित मिति :2017-01-06 15:02:01

महिला खबर

सुनसरी । नीति निर्माण गर्ने तहमा महिलाको उपस्थिति नभएसम्म पत्रकार महिलाका समस्या समाधान हुन नसक्ने एक कार्यक्रममा बताइएको छ । क्रियाशिल पत्रकार महिलाको आयोजनामा भएको सो कार्यक्रममा सहभागीले पत्रकार महिलाका समस्या र चुनौती समाधान गर्न नेपाल पत्रकार महासंघमा पत्रकार महिलाको नेतृत्व हुनुपर्ने आवश्यकता औल्याएका छन् ।

कार्यक्रममा राष्ट्रिय समाचार समितिका महाप्रबन्धक निर्मला आचार्यले हरेक जिल्लामा रहेको नेपाल पत्रकार महासङ्घका केन्द्रिय समितीमा महिला सञ्चारकर्मीलाई स्थान दिन पनि आग्रह गर्नुभएको छ ।

सो अवसरमा सक्रिय पत्रकार महिलाको संस्थापक अध्यक्ष सङ्गीता लामाले महिला पत्रकारले पेशागत दक्षता हासिल गरेर अधिकार प्राप्तिका लागि अग्रसरता देखाउन सक्दा समाज वा राज्यले समेत उनीहरुलाई पछि पार्न नसक्ने बताउनुभयो । यसैगरि, अध्यक्ष शुभेच्छा बिन्दु तुलाधरले महिला पत्रकारले आफुलाई स्थापित गराउन धेरै कामहरु गरेपनि अझै अघि बढनुपर्ने खाँचो औल्याउनुभयो ।

कार्यक्रममा पत्रकारहरु याम प्रधान, लिलाराज भट्टराई, गणेश निरौला, बाबुराम सुवेदी, राजन केडी, अम्विका राजथला लगायतले सक्रिय महिला पत्रकारले हिनताबोध नगरि उत्साह र जोसका साथ पेशामा खरो उत्रनुपर्ने बताउनुभयो ।

यसैगरि, पत्रकारहरु ज्ञानु श्रेष्ठ (रामेछाप), सङ्गीता भण्डारी (डडेल्धुरा), राधिका भुसाल ( प्यूठान), मनिता चाम्लिङ (सुनसरी), तेजकुमारी विष्ट (रोल्पा), मुना हमाल (सुर्खेत), बविता परियार (उदयपुर) र कौशिला राइ (इलाम) ले आ–आफ्नो जिल्लामा पत्रकार महिलाको अवस्था, समस्या र चुनौतीबारे प्रस्तुति दिनुभयो ।

कार्यक्रममा रसुवाकी अनु आचार्य, दोलखाकी गायत्री आचार्य, धादिङकी सरिता श्रेष्ठ, म्याग्दीकी रेखा रेग्मी, मोरङ्गकी उमा पोखरेल, नवलपरासीकी धनु भुसाल, सिरहाकी एलिना चौधरी, झापाकी माया पकुवाल, कपिलवस्तुकी गीता पौडेल, प्युठानकी राधिका भुसाल लगायतका पत्रकार पनि सहभागी थिए । सहभागी सबैले पत्रकार महिलाका अवसर र चुनौतीका विषयमा आफ्ना धारणा राख्नुभएको थियो । कार्यक्रममा देशभरको १८ जिल्लाका पत्रकार महिला भेला भएको थिए ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: