राजनीतीक अस्थिरताले अधिकारबाट वञ्चित


प्रकाशित मिति :2017-01-12 16:55:18

महिला खबर


काठमाडौं। नेपाल कानुन आयोगका सहसचिव इन्दिरा दाहालले राजनीतिक अस्थिरताको कारण कानुनमा भएका अधिकार स्थापित हुन नसकेको बताउनु भएको छ । मीडिया एड्भोकेसी ग्रुपले आज काठमाडौंमा आयोजना गरेको महिला सम्बन्धित नयाँ कानुन नामक अन्र्तक्रियामा उहाँले अधिकारका कुरामा धेरै अगाडि बढेपनि कर्तव्यका कुरामा पछि परेको समेत बताउनुभयो ।

उहाँले भन्नुभयो, ‘नेपालको कानुनले नागरिकलाई धेरै अधिकार दिएको छ, तर राजनीतिक अस्थिरताले पाइएको अधिकार उपयोग गर्न पाइएको छैन, पीडितले न्याय पाउन सकेका छैनन् ।’ महिला अधिकारको सन्र्दभमा विश्वले धेरै वर्षमा गरेको प्रगति नेपालले छोटो समयमै भन्दै उहाँले दक्षिण एसियामै महिलाको पक्षमा धेरै कानुन भएको देश नेपाल भएको बताउनुभयो ।

सहसचिव दाहालले खासगरि बनिसकेका र बन्न लागेका कानुनबारे जानकारी नहुनाले पनि कानुनले दिएका अधिकारबारे थाहा नभएको बताउनुभयो । यसबारे तल्लो तहसम्म गएर बुझाउन निजी तथा गैरसरकारी संस्थालाई सहकार्य गर्न पनि उहाँले आग्रह गर्नुभयो ।

कार्यक्रममा अधिवक्ता ओम प्रकाश अर्यालले महिला सशक्तिकरण सम्बन्धी कानुनको पुनरावलोकन गर्दै एक कार्यपत्र प्रस्तुत गर्नुभएको थियो । नागरिकताको हक, समानताको हक, शोषण विरुद्धको हक, महिलाको समान वंशीय हक, सुरक्षित मातृत्वको हक, प्रजनन् स्वास्थ्यको हक, हिंसा विरुद्धको हक, समानुपातिक सहभागिताको हक, विशेष अवसरको हक र दम्पत्तिको समान हक, सामाजिक न्यायको हक, सामाजिक सुरक्षाको हक, सेना, राजनीतिक दल, राजदुत, संवैधानिक पद र सरकारी सेवामा समावेशीकरण सहित २० वटा विषयमा उहाँले आफ्ना सुझावहरु प्रस्तुत गर्नु भएको थियो ।

कार्यक्रममा पत्रकार तथा मीडिया एड्भोकेसी ग्रुपका अध्यक्ष बबिता बस्नेतले कानुनका कुरा सबैले बुझ्नुपर्ने र यसको लागि आफैं अग्रसर हुनुपर्ने बताउनु भयो । यसैगरि युएन वुमनका स्ट्रटेजिक पार्टनरसीप स्पेसियलिष्ट सरु जोशीले कानुनी भाषा बुझ्न कठिन भएको भन्दै त्यसलाई सर्वसाधारणले बुझ्न सक्ने गरी सरल बनाउनुपर्ने बताउनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: