प्रसूति केन्द्रमा पुरुष स्वास्थ्यकर्मी


प्रकाशित मिति :2017-02-03 14:29:35

प्रकाश सिंह

बाजुरा । गत शुक्रवार जिल्लाको तोलि स्वास्थ्य चौकीमा स्थानीय सुन्तला साउदलाई सुत्केरी गराउनका लागि आफन्तले स्वास्थ्य चौकी पुर्‍याए । तर, त्यहाँ पुरुष स्वास्थ्यकर्मी मात्रै थिए । सुत्केरी व्यथाले च्यापिसकेकोले अन्त जाने अवस्था पनि थिएन । पुरुष स्वास्थ्यकर्मीले नै उनको सुत्केरी गराए ।

पुरुष स्वास्थ्यकर्मी मात्र भएकाले सुन्तलाले संकोच मानेको उनका श्रीमान् बल बहादुर साउद बताउँछन् । ‘लाज मानेर पनि के गर्नु ? बाध्य भएर सेवा त लिनै परयो,’ सुन्तला भन्छिन् । सुन्तलालाई अहेब सुरेश चौधरीले सुत्केरी गराएका थिए ।

सुत्केरी सेवा लिन स्वास्थ्य चौकी पुगेकी तोलिकी कलु साउद पनि बाध्यताले पुरुष स्वास्थ्यकर्मीबाट सुत्केरी गराउनुपरेको बताउँछिन् । उनलाई स्वास्थ्य चौकीका ईन्चार्ज बीर बहादुर अयडिले सेवा दिएका थिए । यसैगरि, तोलिकै काली साउद र निर्मला साउदले पनि पुरुष स्वास्थ्यकर्मीबाटै सुत्केरी गराएका थिए ।

जिल्लाको तोलि स्वास्थ्य चौकीमा महिला स्वास्थ्यकर्मी उपस्थित नहुँदा पुरुष स्वास्थ्यकर्मीले सुत्केरी सेवा दिने गरेका छन् । स्वास्थ्य चौकीमा दुई महिला स्वास्थ्यकर्मी कार्यरत भएपनि दुवैजना बिदामा बसेकोले बाध्य भएर पुरुषले सेवा दिनुपरेको ईन्चार्ज अयडि बताउँछन् ।

महिला स्वास्थ्यकर्मी कहिले बिदामा बस्ने कहिले उपस्थित नहुने भएकाले बिरामीको उपचारमा समस्या भएको उनको भनाई छ । उनका अनुसार महिला स्वास्थ्यकर्मी नहुँदा खासगरि विभिन्न समस्या लिएर आउने महिला र गर्भवती महिलाको नियमित जाँच प्रभावित भएको छ । ‘पुरुष स्वास्थ्यकर्मीसँग महिलाले खुलेर रोगको बारेमा भन्न नसक्ने भएकाले उपचारमा समस्या भइरहेको छ,’ इन्चार्ज अयडि बताउँछन् ।

जिल्ला स्वास्थ्य प्रमुख मोहन नाथ भने महिला स्वास्थ्यकर्मी बिदामा बसेपनि चौकीले व्यवस्थापन गर्नुपर्ने बताउँछन् । ‘दुवैजना बिदामा बस्दा समस्या भएको रहेछ, तर यसको व्यवस्थापन स्वास्थ्य चौकीले नै गर्ने हो,’ उनी भन्छन् । प्रसुति केन्द्रमा महिला स्वास्थ्यकर्मी अनिवार्य हुनु पर्ने व्यवस्था रहेको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: