मुक्त कमैया बसन्ती चौधरीलाई एन पिस अवार्ड


प्रकाशित मिति :2017-02-10 12:10:56

महिला खबर

काठमाडौं । पूर्व कमलरी तथा हलिया प्रथा उन्मुलनकी अभियन्ता बसन्ती चौधरी थाइल्याण्डको राजधानी बैंककमा बिहिबार एनपिस अवार्ड २०१६ बाट सम्मानित भएकी छन् ।

गएराति बैंककमा भएको एक कार्यक्रममा डेढ दशकदेखि सुदूरपश्चिमको कैलालीमा कमैया, हलिया र कमलरी प्रथा उन्मुलनमा निरन्तर खटिएकी चौधरीलाई एनपिसको ‘अनटोल्ड स्टोरी’ अर्थात नभनिएका कथा अन्र्तगत सम्मान गरिएको थियो । उनीसँगै अफगानिस्तानबाट हबिबा सरावी, पाकिस्तानका रिजवाना शाह, श्रीलङंकाका सुमिका परेरा, इण्डोनेशियाका रुबी खालिफा र फिलिपिन्सका मरियम बरन्दिया पनि सम्मानित भएका छन् ।

सीमान्तकृत समुदायबाट प्रतिनिधित्व गर्ने चौधरीले महिला हिंसाविरुद्ध निन्तर संघर्ष गरेका कारण यो अवार्ड प्रदान गरिएको एनपिस नेटवर्कको वेवसाइटमा उल्लेख छ । चौधरीले भोट गरेर सहयोग गर्ने र आफ्नो कामको मूल्यांकन गरेर अवार्ड प्रदान गर्ने एनपिस नेटवर्कलाई धन्यवाद दिएकी छन् ।

एनपिस अर्वाड महिला, शान्ति र सुरक्षा प्रर्वद्धनमा कार्यरत एसियाका विभिन्न देशका अधिकारकर्मीले सन् २०१० मा स्थापना गरेका थिए ।
सन् २०१५ मा कैलालीकै मुक्त कमलरी कौशिला चौधरी यो अवार्डबाट सम्मानित भएकी थिइन् ।

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: