महिलालाई व्यवसायी बनाउँदै स्मार्ट समूह


प्रकाशित मिति :2017-02-22 14:11:07

अप्रिल अधिकारी

रामेछाप । जिल्लामा अहिले व्यवसायी महिलाको स्मार्ट समूह बेरोजगार महिलालाई तालिम दिएर रोजगार बनाउन सक्रिय छ । सात सदस्यीय सो समूहले घरेलु तथा साना उद्योग विकास समिति रामेछापसँगको समन्वयमा १० महिलालाई एक महिने होजियारी तालिम समेत संचालन गरिसकेको छ ।

नेपालमा जन्मिएर अमेरिकामा बस्दै आउनुभएका सपना पाठकले महिलालाई सीप सिकाएर आत्मनिर्भर बनाउनुपर्छ भन्दै स्थानीय महिलालाई संगठित बनाउनुभएको थियो । केहि समयअघि जिल्लास्थित तामाकोशी सहकारी अस्पतालमा आइपुग्नुभएका पाठकलाई त्यतिबेलादेखि नै स्थानीय महिला र किशोरीहरुलाई आत्मनिर्भर बनाउन काम गर्नुपर्छ भन्ने सोच पलाएको थियो ।

‘महिला आत्मनिर्भर र स्मार्ट हुनुपर्छ भन्ने मेरो मान्यता हो, यसको लागि महिलालाई सीप सिकाउने तालिम दिनु आवश्यक छ’, उहाँले भन्नुभयो ।

पाठकले सुरुमा स्थानीय महिला र किशोरीहरुलाई जम्मा गरेर हातमा लगाउने बाला बनाउने तालिम दिनुभयो । तालिम पश्चात उहाँले सामाग्री दिएर बाला बनाउन महिलालाई प्रोत्साहन गर्नुभयो । स्थानीय महिलाले बनाएका बाला खरिद गरेर अमेरिकामा समेत उहाँले बिक्री गर्नुभयो । ‘यहाँबाट मैले एउटा बाला २५० रुपैयाँमा खरिद गरेँ, अमेरिकामा त्यसलाई मन पराएर १० डलरसम्म तिरेर मानिसहरुले लगे’, पाठकले भन्नुभयो ।

महिलालाई आत्मनिर्भर बनाउने उहाँको अभियानलाई स्थानीय महिलाले पनि साथ दिएपछि सात सदस्यीय स्र्माट समूह गठन भएको थियो ।

समूहबाट स्वीटर बनाउने तालिम लिनुभएका गोठगाउँ गाविसका सृजना कार्कीले स्वीटर बनाएर पनि स्वरोजगार हुन सक्ने जाँगर पलाएको बताउनुभयो । तालिम पश्चात सबै सामग्री जुट्दा करिव एक घण्टामा एउटा स्वीटर तयार गर्न सकिने उहाँको भनाइ छ ।
‘हामी सक्षम भइसकेका छैनौं तर, सानै समूहमा भएपनि केही गरांै भन्ने सोचका साथ काम गरिरहेका छौं’, समूहका अध्यक्ष लक्ष्मी थापाले बताउनुभयो । उहाँका अनुसार सानै भएपनि महिलामा परिवर्तन आएमा पनि समुहका लागि ठूलै उपलब्धी हुनेछ । उहाँले आधारभूत होजियारी तालिम लिएका १० मध्ये उत्कृष्ट पाँच जनालाई समूहले थप तालिम दिने तयारी गरिरहेको जानकारी दिनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: