छाउगोठ मुक्त गाउँका महिला अझै गोठमै


प्रकाशित मिति :2017-02-26 17:09:44

शिवराज खत्री

अछाम । गाविस कार्यालयको परिसरमा सहभागी महिलाको कुल संख्या ७६ । यसमध्ये महिनावारी हुँदा गोठमै बस्नेको संख्या २५ । गोठ त गोठ तर, परम्परागत भन्दा केहि सुरक्षित गोठमा बस्ने महिलाको संख्या १४ । महिनावारी हुँदा घरमै बस्छु भन्नेको संख्या ३७ । यो तथ्याङ्क छाउपडी गोठ मुक्त घोषणा भइसकेको अछामको गाज्रा गाविसको हो ।

यो महिला तथा बालबालिका सेवा केन्द्र जिल्ला कार्यकारिणी सञ्जालले गाज्रामा गरेको महिला तथा बालबालिका माथि हुने हिंसा न्यूनिकरण सम्बन्धी अन्तरक्रियामा उपस्थित महिला स्वयंले बताएको तथ्य हो ।

गाविसमा पछिल्लो तीन महिनामा जम्मा तीन महिला मात्र महिनावारी हुँदा घरमा बसेका छन् । गाज्रा–७ की १५ वर्षीया रोशनी तिरुवाको गत पुस २ गते राती छाउ गोठमा ज्यान गएपछि तीन महिलाले गोठ छोडेर घर बस्न थालेको सुनाए । सिंगो गाविसमा रोशनी सुतेको गोठवाहेक अन्य गोठ भत्किएका छैनन् । ९ असोज ०७२ मा गाज्रा छाउपडी गोठमुक्त घोषणा भएको थियो ।

सुरक्षित रुपमा गोठमा बस्ने भनिएका महिला प्रायः शौचालयमाथि तला थपेर बनाइएको कोठामा सुत्ने गरेका पाइएको छ । सुरक्षित भनिएका त्यस्ता गोठ पनि अधिकांश हावा छिर्न नसक्ने गरी निर्माण गरिएका छन् । त्यस्ता गोठमा खासगरि हिँउद याममा आगो बालेर सुत्दा अक्सिजनको कमिले निसासिएर महिलाले ज्यान गुमाउने गरेका घटना बढि हुने गरेको देखिन्छ ।

तथ्याङ्कले पनि पछिल्लो १५ वर्षको अवधिमा छाउ गोठमा ज्यान गुमाउने अधिकांश महिलाको मृत्यु जाडोमा आगो बाल्दा गोठभित्र निसासिएका कारण भएको बताउँछ । यस अवधिमा छाउगोठमा ज्यान गुमाउने कुल १२ महिलामध्ये १० को ज्यान मंसिरदेखि फागुन महिनाभित्र गएको देखिन्छ ।

‘जाडोको समयमा आगो बालेर सुत्ने र धुवाँ बाहिर जान नसक्ने गरी भएका प्वालहरु पनि बुझ्ने गरेकाले गोठमा निसासिएर मृत्यु हुनेको संख्या अत्यधिक छ’, महिला तथा बालबालिका सेवा केन्द्रका जिल्ला कार्यकारीणी समितिका अध्यक्ष सरस्वती रावलले भन्नुभयो, ‘सुरक्षित भनिएका गोठ समेत हावा नछिर्ने गरी बनाईएकाले जोखिम उस्तै छ ।’
धेरै महिलाले देवी देवताको डर, घरका बुढापाकाको भनाइ, साँघुरो घर जस्ता कारणले चाहेर पनि घरमा बस्न नसकिएको सुनाए । ‘घरमा बस्ने इच्छा छ तर, परिवारले बस्न दिदैनन्’, महिला स्वास्थ्य स्वयंसेविका सीता खड्काले भन्नुभयो, ‘परिवार नमान्दा महिलाले चाहेपनि घरमा बस्न नसकिने अवस्था छ ।’

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: