असन्तुलित महिला अधिकार


प्रकाशित मिति :2017-03-14 14:36:24

रविना फुयाल

सँगै हुर्के बढेकी साथीको बिहेको खबर सुनेर गौरी अचम्म मानिरहेकी थिई भने आफूलाई आएको प्रस्ताव पनि मनन गर्दै थिई। सानैदेखि सँगै स्कुल जाने आउने मात्र होइन, उनीहरू सँगै गृहकार्य गर्थे । घास दाउरा गर्न जंगल जाँदा पनि सँगै हुन्थे।

दुवैले एस।एल।सी राम्रै अंकले उत्तीर्ण गरे । उमेर पनि फरक थिएन उनिहरुबिच । दुवै बिस पुरा भई एक्काइस लागेका। फरक थियो त मात्र गौरिको असाधारण जिद्धिपना । जसले ऊ आफूले चाहेको कुरा प्राय पुरा गरेरै छाड्थिन । सरिता लजालु स्वभावकी थिइन् ।

नेपाली समाज, त्यसमाथि गाँउले परिवेश जहाँ छोरीको जन्मदेखि नै उसको कर्मघरको चिन्ताले आमाबाबुलाई पिरोलिरहन्छ। यही पिरले सरिताका बाबुआमालाई सधैँ सताइरहन्थ्यो । खुशीको कुरा सरिताको गाउकै जमिनदारको छोरासगँ विवाह भयो । आफ्नी छोरीलाई जमिनदारको घरकी बुहारी बनाउन पाँउदा खुशी थिए सरिताका बाबुआमा। आफूले सँगै जिन्दगी बिताउने मान्छेले कति पढेको छ, कति समझदार अनि सचेत छ भन्ने कुरामा न त सरिता चनाखो थिई न त उसका बाबुआमा नै।

छोरी धनाढ्य घरको बुहारी हुने सपनाले उसका बाबुआमाको अरू सोचबिचार नै गरेका थिएनन् । बिहे भयो। वर्षदिन नबित्दै सरिताको रुदै माइत धाउने सिलसिला सुरु भयो। रक्सी खाएर सधैँ हातपात गर्ने लोग्नेको कुटाइ खाएपछी ऊ रुन्थी, कराउथि अनि चुप लाग्थी । उसको यो दयालाग्दो दिनचर्या परिवर्तन गर्न धनसम्पतीले केही गरेन। महिला अधिकार र यस्ता हिंसाको विरुद्ध रहेको कानुनी उपचारका बारेमा पनि अन्जान रहनुले उसलाई थप पीडित बनाइरहेको थियो । विवश बनाइरहेको थियो।

त्यसबीच गौरिको पनि काठमाडौँको राम्रै परिवारको केटासगँ बिहे भयो । गौरी काठमाडौँको रहनसहनमा रम्न थालेकी थिई । उसको श्रीमान् हरबखत उसको इच्छा र जिद्धिपन पुरा गर्न तत्पर। माइतीघरमा हुँदा तिजको व्रत बस्ने दिनअघि आफ्नी आमाले पकाएको दरमा रमाउने गौरीलाई अब महिनौँ अघिदेखी पार्टी प्यालेस धाउने बानी परेको थियो । उसको लोग्नेले यो सब कुरालाई अनावश्यक ढोङको संज्ञा दिएर रोक्न खोज्दा ऊ नारी स्वतन्त्रता र महिला अधिकारको संज्ञा दिन्थी। उसको अपूरणीय इच्छा अनि जिद्धिपनको कारण उनीहरू अब सँगै बस्न नसक्ने भईसकेका थिए । जसको एउटै उपाय सम्बन्धविच्छेद नै थियो ।

सम्बन्धविच्छेद गरी उनले लोग्नेको आधा सम्पत्ति लिएर गई । अर्को विवाह गरी अनि त्यो पनि यसरी नै टुंगियो। उसका लागि नारी स्वतन्त्रता र अधिकारको अर्थ यस्तै थियो । उता सरितासँग भने आफूमाथि दिनहु हुने हिंसाविरुद्ध औंला उठाउने सामर्थ्य पनि थिएन। कारण, जति पनि महिला अधिकारका कुरा उठ्थे ती सबै सरिता र सरिताजस्ता महिलाहरूको दायराभन्दा पर थिए। यसरी फरक परिवेश तर एउटै देशका दुई महिलाका लागि नारी स्वतन्त्रता र महिला अधिकारको पर्याय नै फरक भएपछि समानताको अस्तित्व कहाँ रह्यो त?
                                                                                        रविना नेपाल ल क्याम्पसमा अध्ययन गर्दै हुनुहुन्छ ।    

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: