कम्बोडीयामा निर्माण क्षेत्रका महिला कामदार


प्रकाशित मिति :2017-03-17 11:33:14

काठमाडौँ । कम्बोडीयामा निर्माण उद्योग एकदमै फस्टाउँदै गएको छ । गगनचुम्बी भवनहरू राजधानी नोम पेनभरि धमाधम बन्दैछन् । राजधानीको जनसंख्या विगत चार वर्षमा दोब्बर भए लगत्तै यो सहर उच्च महानगरपालिकामा विकसित भइरहेको छ ।

यो निर्माण उद्योगले ठुलो संख्यामा कामको खोजीमा राजधानी आएकालाई रोजगारी दिएको छ । ती मध्ये एक तिहाइ महिला कामदार छन् ।


केही महिलाका लागि यो नयाँ काम हो भने केहीले आफ्नो गाउँ र प्रान्तमा सिकेका सीपलाई यहाँ निखार्दैछन् । बाँकी कामदारहरु भने सन् २०१४ मा थाइल्याण्डमा गैरकानूनी आप्रावासी कामदारहरु विरुद्ध कारबाहीपछि घर फर्किएका कम्बोडीयाली श्रमिकहरू हुन् ।

धेरैजसो यी महिला आफना परिवार, साथीहरूसँग राजधानीमा बसेर भवन बनाउने काम गर्न आएका छन् । यस्तो क्षेत्रमा काम गर्न जोखिमपूर्ण र महिला कामदारले पुरुषको तुलनामा कम परिश्रमिक पाउने गरेका छन् ।
यस्तो अवस्थाका बाबजुद पनि कम्बोडियाको निर्माण उद्योगमा काम गर्ने महिला मिहिनेती, कटिबद्ध र जोखिम समना गर्दै अघि बढिरहेका छन् ।


एक जना महिला कामदार शोक कम भन्छिन्,–‘पाँच वर्ष अघि म श्रीमान् र छोरा सहित नोम पेन आएँ, गाउँमा हाम्रो लागि केही काम थिएन, त्यहाँ वर्षमा एकचोटी धान फलाउने काम बाहेक अरू गर्ने केही थिएन । आर्थिक रूपमा संभन भए, म यहाँको काम छाडेर तुरुन्त गाउँ फर्कीहाल्थे । अनि मेरो आमाको स्याहार गर्न पाउँथे । आफ्नो अरू बच्चाहरुसगँ पनि भेट्न पाउँथे ।’

‘तीन वर्षअघि पारपाचुके र अस्पतालको खर्चले मलाई ऋणमा डुबायो । मैले आफ्नो घर र जग्गा पनि बेच्नुपर्याे । त्यतिले पनि पुगेन । त्यसपछि म भवन बनाउने काममा सहर आएँ ।’ उनले थपिन् ।


‘यो निर्माण क्षेत्रमा काम गर्नुको सबल पक्ष भनेको के भने मैले हप्तैपिच्छे पारिश्रमिक पाउँछु । कारखाना वा होटेलमा काम गरेको भए त्यस्तो हुदैनथ्यो ।’ अर्की महिला कामदार हेङं सिया ।

‘मेरा साथीहरू कारखानामा काम गर्न रुचाउँछन् । म भने निर्माण क्षेत्रमा, किनभने मेरा सबै परिवार मसँग एकै ठाउँमा छन् । म परिवारको नजिक भएतापनि पुरुष सहकर्मीहरुले रक्सी खाएर मलाई राति गाली बेइज्जत गर्छन् ।’ अर्की महिला मजदुर शोक सोभना भन्छिन् ।

साभार : बीबीसी समाचार ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: