भूकम्प पीडित महिला म्यादी प्रहरीमा


प्रकाशित मिति :2017-04-02 16:58:02

सर्मिला बुढाथोकी

दोलखा । दोलखा काभ्रेकी रोशनी दाहाल बैशाख १२ गते गएको भूकम्पले घर भत्काएपछि समस्यामा परिन् । आर्थिक समस्या परेपछि उनले चलाउँदै आएको कस्मेटिक पसल बेच्नुपर्यो । अहिले उनी पूर्णतया बेरोजगार छिन् । उमेरले ४७ वर्ष पुगेकी दाहाल म्यादी प्रहरीमा धेरै महिलाले अवसर पाउने भन्ने थाहा पाएपछि जागिर खान हौसिएकी छिन्।

‘घर भूकम्पले भत्कियो, भएको पसल बेचेर पनि दैनिक गुजारामा समस्या भएपछि केहि सहयोग हुन्छ की भनेर म्यादी प्रहरीमा जागीर खान खोजेकी हुँ’, दाहाल भन्छिन् । म्यादीमा भागदौड गर्नुपर्छ, उमेरका कारण समस्या त हुँदैन भन्ने प्रश्नमा दाहाल भन्छिन्, ‘के गर्नु समस्या भएपछि सबै कुरालाई भुल्नु पर्ने रहेछ ।’

खारे ५ की जानुका श्रेष्ठ पनि भूकम्पपछि आर्थिक समस्यामा परेको भन्दै म्यादीमा अवसर खोजिरहेकी छिन् । जागिर खाएपछि आउने पैसाले घरखर्च चल्ने सोचले आवेदन दिन आएको उनको भनाइ छ ।

भूकम्पपछि राहत समेत नपाएकोले गुजारा गर्नै मुश्किल भएको श्रेष्ठको गुनासो छ । श्रीमान्को मृत्युपछि एकमात्र छोरालाई समेत पढाउन मुश्किल भएको उनी सुनाउँछिन् ।

जिरीकी सन्तोषी दर्जीको समस्या पनि रोहनी र जानुकाको भन्दा फरक छैन । शुक्रवार जिल्ला प्रहरी कार्यालय परिसरमा भेटिएकी सन्तोषीलाई म्यादी प्रहरीको जागीरबाट आउने ४५/५० हजारले घर बनाउन सहयोग हुन्छ भन्ने अपेक्षा छ ।

‘भूकम्पले घर ढलेकोले झण्डै दुई वर्षदेखि टहराकै वास छ, आर्थिक अभावले घर बनाउन सकिएन सन्तोषीले भनिन् । म्यादीमा जागिर खान पाए आउने पैसाले घर बनाउन सहयोग हुने थियो’, उनी सुनाउँछिन् ।

जिल्ला प्रहरी कार्यालयका अनुुसार म्यादी प्रहरीको लागि आवेदन दिने कुल १६ सय ७२ जनामा ५ सय ५८ जना महिला रहेका छन् । आवेदनको लागि १८ वर्ष पूरा गरी ५४ वर्ष ननाघेको नेपाली नागरिक हुनुपर्ने प्रावधान रहेको छ । आवेदन दिन युवायुवती र कतिपय पौढ महिला तथा पुरुषहरु समेत आएको प्रहरीले जनाएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: