महिलाः जनसंख्या धेरै, मतदाता कम


प्रकाशित मिति :2017-04-03 14:03:24

– महिला खबर-

काठमाडौँ । नेपालको जनसख्या पुरुषको तुलनामा महिला बढी भए पनि मतदाता संख्या भने कम देखिएको छ । २०६८ को जनगणना अनुसार महिलाको जनसंख्या ५१.५० प्रतिशत रहेपनि मतदाता संख्या ४९. ५५ प्रतिशत अर्थात करिब २ प्रतिशतले कम छ ।

निर्वाचन आयोगले नजिकिएको स्थानीय तहको निर्वाचनलाई लक्षित गरी सार्वजनिक गरेको मतदाता नामावती अनुसार कुल एक करोड ४० लाख ५४ हजार ४ सय ८२ जना मतदाता मध्ये ६९ लाख, ४८ हजार ६ सय २५ जना महिला मतदाता रहेका छन् । पुरुष मतदाता (५०.४४ प्रतिशत) अर्थात ७० लाख ६९ हजार ७ सय १४ जना रहेको आयोगको तथ्याक छ । यसरी हेर्दा पुरुष मतदाता १ लाख ५ हजार ८९ जना बढी देखिन्छ । आयोगका अनुसार यसपटक १ सय ४३ जना तेस्रो लिंगीले पनि मतदान गर्नेछन् ।

संविधान सभा निर्वाचन २०७० मा महिला मतदाताको सङ्ख्या बढी थियो । कुल मतदाता १ करोड २१ लाख ४७ हजार ८ सय ६५ जना रहेकोमा महिला मतदाता सङ्ख्या ६१ लाख ६६ हजार ८ सय २९ (५०.७६ प्रतिशत) थियो । पुरुषको (४९.३३ प्रतिशत) र तेस्रो लिंगी १ सय ५५ जना थिए ।
यसपटक महिला मतदाता सङ्ख्या कम हुनुमा सामाजिक, आर्थिक कारण हुन सक्ने निर्वाचन आयोगका प्रवक्ता सुर्यप्रसाद शर्माले बताउनुभयो । तर धेरै महिलाको नागरिकता नबन्नु र मतदान सम्बन्धी शिक्षा नहुनुले पनि महिलाको मतदाता नामवलीमा नाम दर्ता हुन नसकेको महिला नेतृहरु बताउछन् । निर्वाचनमा १८ वर्ष पुगेका नेपाली नागरिकले मतदान गर्न पाउनेछन् ।

यसैगरि निर्वाचन आयोगका अनुसार यसपटक सबैभन्दा बढी मतदाता मोरङ, काठमाडौ, रुपन्देही, सुनसरी र कैलाली रहेका छन् ।

सवैभन्दा कम मतदाता रहेको जिल्ला मनाङ, मुस्ताङ, डोल्पा, हुम्ला, मुगु हुन् ।

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: