अपांग हुनुमा मेरो के दोष ?


प्रकाशित मिति :2017-04-13 16:53:18

यमुना खनाल

सिरहा । लहान नगरपालिकाकी रीमा शाह अरुले बोलेको कुरा राम्रोसँग सुन्न सक्छिन्, बुझ्छिन पनि । तर, बोल्ने प्रयास गर्दा उनको घाँटी अस्वाभाविक रुपमा फुल्छ र टाउको पूरै बटारिएर पछाडीपट्टि जान्छ । केहिगरि बोलीहाले पनि उनको आवाज सामान्य जस्तो छैन । नजिकै गएर सुन्दा मात्र उनको कुरा बुझ्न सकिन्छ ।

शारीरिक रुपमा अपांग हुनुको पीडा त छँदैछ तर, यस्तो पीडालाई टोलकै मानिसहरुले नक्कल गरेर जिस्क्याउँदा उनी मरेतुल्य हुन्छिन् । उनको टाउको घुमेको नक्कल गर्दै जिस्कयाउनेमा पढे लेखेका र शिक्षित भनिनेहरु समेत छन् । मानिसहरुको यस्तो व्यवहारले उनलाई कहिले त जीवनदेखि नै दिक्क लाग्ने गर्छ । ‘जान्ने बुझ्ने मान्छेले समेत मलाई मजाकको रुपमा लिन्छन्, यस्तो भएपछि म जस्ता अशक्तको कुरा कसले बुझ्छ ?’ दुःखी हुँदै उनले सुनाइन् ।

उनलाई बाँच्न र हौसला दिने एउटै कुरा छ, त्यो हो उनको पढाइ । १८ वर्षिया रीमा अहिले लक्ष्मण ललिता कुशवाहा उच्च माविमा कक्षा १२ मा पढ्दैछिन् । स्कुलमा शिक्षक र साथीहरुले दिने माया र प्रेरणाले आफूलाई हौसला दिएको उनी बताउँछिन् । ‘स्कुलका शिक्षक र साथीहरुले मलाई औधी माया गर्छन्, तर टोल छिमेकमा चिन्ने जान्नेहरुले नै चोट दिँदा साह्रै पीडा हुन्छ’, उनी भन्छिन् । रीमाको पढाइ पूरा गरेर जुनसुकै क्षेत्रमा लागेपनि राम्रो काम गर्ने सपना छ ।

शारीरिक अपांग हुँदा सामाजिक व्यवहारका कारण मानसिक रुपले समेत पीडित हुनेमा लहान नगरपालिका एककी अर्की एक किशोरी पनि छिन् । दीपा यादव (नामथर परिवर्तन) को सानै उमेरमा आगोमा परेर अनुहार जलेको छ । त्यो घटना कहिले भयो उनलाई थाहा छैन । उनलाई पनि गाँउटोलका मानिसले देख्ने बित्तिकै ‘मुहँ झर्कल्हि’ (मुख डढेकी) भनेर गिज्याउँछन् । स्कुल जाँदा आउँदा टोलमा आफूलाई विभिन्न उपनामले बोलाउने गर्दा साह्रै हिनताबोध हुने गरेको उनी बताउँछिन् ।

शारीरिक रुपमा अशक्त अथवा फरक क्षमता भएका व्यक्तिलाई सहयोग, संरक्षण गर्नु नागरिकको कर्तव्य हो । तर, उल्टै उनीहरुको तीखा बचनको पीडा खप्न बाध्य छन्, अपांगता भएका व्यक्तिहरु ।

‘त्यस्तो वचनले कुनै अपराध गरेझैं अनुभव हुन्छ, तर अपांग हुनुमा हाम्रो के दोष छ ?’ उनको प्रश्न छ । आफुलाई कसैको सहारा नचाहिएको तर आत्मसम्मानका साथ बाँच्न र हिँडडुल गर्दा कसैले गाली बेईज्जती नगरिदियोस् तथा कुनै उपनामले नबोलाओस् भन्ने आफ्नो चाहना रहेको उनले बताइन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: