महिला तस्करीको नयाँ रुट, भारत दुबई हुँदै ओमन


प्रकाशित मिति :2017-04-28 11:01:28

काठमाडौं ।

रोजगारको प्रलोभन देखाएर भारत, दुबई हुँदै ओमनमा महिला तस्करी गर्ने तीन तस्करलाई नेपाल प्रहरीको केन्द्रीय अनुसन्धान ब्यूरो (सिआईबी) ले पक्राउ गरेको छ ।

पक्राउ पर्नेमा सिन्धुपाल्चोक शिपापोखरी ४ का तोकबहादुर तामाङ, झापा जुरोपानी–५ का मेदनीप्रसाद प्रसाई र सिन्धुपाल्चोक मार्मिङ–५ का निमा तामाङ रहेका छन् ।

उनीहरूले आर्थिक रूपमा विपन्न महिलाहरूलाई आकर्षक रोजगारीको प्रलोभन देखाएर तस्करी गर्दै आएको सिआईबीले जनाएको छ ।

दलालले नेपाली महिलालाई काठमाडौँको स्वम्भुबाट भारत जाने बसमा चढाएर भैरहवासम्म पुर्‍याउँछन् । भैरहवाबाट उनीहरूलाई अर्कै एजेन्टले नयाँदिल्ली लगेर त्यहाँबाट जहाजमा दुबै हुँदै ओमान पुर्‍याउने गरेको सिआईबीको अनुसन्धानबाट खुल्न आएको छ ।

अनुसन्धानमा संलग्न सिआईबीका प्रहरी निरिक्षक हरिप्रसाद बस्नेतले नेपालको हवाईमार्ग नभई सडक मार्गबाट भारतसम्म पुर्‍याउन तस्करहरु सक्रिय भएको बताए । तस्करीका क्रममा उनीहरूले महिलाहरूलाई बालाजु र पुतलीसडकका गेष्ट हाउसहरुमा राख्ने गरेको भेटिएको छ ।

ओमान पुर्याएका महिलाहरूलाई करिब सात लाखसम्ममा बेच्ने र त्यस बापतको प्रति महिला रु। एक लाख ३० हजार रकम नेपाली एजेन्टलाई पठाउने गरेको सिआईबीका प्रहरी निरिक्षक हरि बस्नेतले बताए ।

तस्करीमा परेका महिलाहरू घरेलु कामदारको साथै यौनजन्य व्यवसायमा संलग्न हुने गरेको बस्नेतको भनाइ छ ।

स्रोतः हिमाल खबर

    Comment Here!

Related NEWS
मुख्य खबर

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

Read more
© 2015.All rights reserved by mahilakhabar.com
%d bloggers like this: