अधिकांश हिमाली जिल्लामा दलित महिलाको उम्मेदवारी परेन


प्रकाशित मिति :2017-05-06 11:00:41

-सन्दिप वि.क-

काठमाडौं । यहि बैशाख ३१ गते हुने स्थानीय तहको निर्वाचनका लागि विभिन्न जिल्लाका वडा सदस्यमा दलित महिलाको सिट खाली भएको छ । विशेष गरि अधिकांश हिमाली जिल्लामा दलितको बसोबास नै नभएका कारण महिला सदस्य पद खाली रहेको हो ।

पहिलो चरणको निर्वाचनमा ३४ जिल्लामा २ हजार पाँच सय ९८ दलित महिला सदस्य जनप्रतिनिधि निर्वाचित हुँदै छन् । निर्वाचन आयोगका अनुसार ति सिटका लागि सात हजार ४७२ जनाले उम्मेद्वारी दर्ता गरेका छन् । यद्यपी, मनाङ, मुस्ताङ, डोल्पा, रसुवा, हुम्ला, गोरखा, नुवाकोट लगायत सात जिल्लाका ६७ सदस्य पदमा दलित महिलाको उम्मेदवारी नै परेको छैन ।

स्थानीय तह निर्वाचन ऐन २०७३ को दफा ६ को उपदफा २ अनुसार गाउँपालिका र नगरपालिकाको प्रत्येक वडामा निर्वाचित हुने दुईजना महिला सदस्यमध्ये एक जना दलित महिला हुनैपर्ने प्रावधान रहेको छ । तर, दलित महिला नभएको स्थानमा कुनै विकल्प नदिएका कारण दलित महिलाको पद खाली भएको जिल्ला निर्वाचन कार्यालयहरुले जनाएका छन् ।

दलित महिलाका पद खाली भएका जिल्लाहरु

मनाङ

मनाङ जिल्लाको ४ गाउँपालिका मध्ये दुई वटा गाउँपालिकाको ५ वटै वडामा उम्मेदवारी दिने दलित महिला भएनन् । ति गाउँपालिका नारफू र चामे हुन् । जिल्ला निर्वाचन कार्यालय मनाङका अनुसार जिल्लाको नेस्याङ गाउँपालिकाको ९ वडा मध्ये १, २, ७, ८ र ९ वडामा दलित महिलाको सिट खाली भएको छ । नाशोङ गाउँपालिकामा रहेको ९ वटा वडा मध्ये २, ३, ५, ६ र ७ नम्बर वडामा दलित महिलाको सिट खाली भएको निर्वाचन कार्याललयले जनाएको छ ।

मुस्ताङ

मुस्ताङका ५ गाउँपालिकामध्ये एउटा गाउँपालिकाको कुनै वडामा पनि दलित महिलाको उम्मेदवारी परेन । दलित महिलाको उम्मेदवारी नै नपरेको गाउँपालिका लोमन्थाङ हो । जसको ५ वडामा नै दलित महिलाको सिट खाली भएको छ । यस्तै जिल्लाकै दामोमे गाउँपालिकाका ५ वडा मध्ये १, २, ४ र ५ वडामा दलित महिलाको सिट खाली भएको जिल्ला निर्वाचन कार्यालयका निर्वाचन अधिकारी सिताराम शर्माले जानकारी दिनुभयो ।

डोल्पा

निर्वाचन कार्यालय डोल्पाका अनुसार जिल्लाका दुई नगरपालिकार र ६ गाउँपालिका मध्ये छार्का ताङसोङका ६ वटै वडामा दलित महिलाको सिट खाली भएको छ । यस्तै डोल्पो बुद्ध गाउँपालिकाका ६ वटै वडामा दलित महिलाको सिट खालि भएको जिल्ला निर्वाचन अधिकारी रामबहादुर बुढाले जानकारी दिनुभयो ।

रसुवा

रसुवाका तीन गाउँपालिकाका ६ वडाहरुमा दलित महिलाको पद खाली भएको छ । गोसाइँकुण्ड गाउँपालिकाका ६ वटा वडामध्ये वडा नं १, २, ३ र ४ मा कुनै पनि दलहरुबाट दलित महिलाको उम्मेद्वारी नपर्दा चार वडामा दलित महिलाको पद खाली भएको छ ।

यस्तै कालिका गाउँपालिकाका ५ वडा मध्ये वडा नं १ मा पनि महिलाको उम्मेद्वारी परेको छैन । नौकुण्ड गाउँपालिकाको ५ वटा वडा मध्ये वडा नं ४ मा समेत दलित महिलाको पद खाली भएको जिल्ला निर्वाचन कार्यालयले जनाएको छ । रसुवाका मुख्य निर्वाचन अधिकृत रामराजा उप्रेतीका अनुसार जिल्लामा रहेका गाउँपालिका ६ वटा वडा मध्ये ४ वटा वडामा दलित महिलाको उम्मेद्वारी नपरेको बताउनुभयो ।

हुम्ला

हुम्ला जिल्लामा पनि ७ गाउँपालिका मध्ये २ गाउँपालिकामा दलित महिलाको पद खाली भएको जिल्ला निर्वाचन कार्यालयले जनाएको छ । जिल्लाको नाम्खा गाउँपालिकाका ७ वटै वडामा दलित महिलाको पद खाली रहेको कार्यालयका लेखापाल दीपक नेपालीले बताउनुभयो । सो वडामा तामाङहरुको मात्रै बसोबास भएको कारण दलित महिलाको पद खाली भएको उहाँका भनाई छ । यस्तै जिल्लाकै सिमिकोट गाउँपालिकाका ८ वडा मध्ये वडा नं १ मा दलित महिलाको पद खाली भएको जिल्ला निर्वाचन कार्यालयले जनाएको छ ।

गोरखा

गोरखा जिल्लाका ९ गाउँपालिका र २ नगरपालिका मध्ये चम नुव्री नगरपालिकाका ७ वटै वडामा दलित महिलाहरुको पद खाली भएको जिल्ला निर्वाचन कार्यालय गोरखाले जनाएको छ । जिल्ला निर्वाचन अधिकारी राजेन्द्र प्रसाद पोख्रेलका अनुसार सो नगरपालिकामा दलित महिलाहरु थोरै संख्यामा भएपनि मतदाता नामावलीमा उनीहरुको नाम नै नहुँदा खाली भएको बताउनुभयो ।

नुवाकोट

नुवाकोट जिल्लामा रहेका दश गाउँपालिका र एक नगरपालिका मध्ये तारकेश्वर गाउँपालिकाका ६ वडा मध्ये वडा नंम्बर ६ मा दलित महिलाको सिट खाली भएको जिल्ला निर्वाचन कार्यालय नुवाकोटले जनाएको छ ।

यि सात जिल्ला मात्रै होइनन् अन्य जिल्लाहरुमा समेत महिलाको पद खाली भएको जिल्ला निर्वाचन कार्यालयहरुले बताएका छन् ।

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: