राज्यका प्रमुख अंग पूर्वाग्रहबाट निर्देशित हुनुहुन्नः प्रधानन्यायाधीश कार्की


प्रकाशित मिति :2017-05-09 19:04:30

महिला खबर 

काठमाडौं । प्रधानन्यायाधीश सुशीला कार्कीले राज्यका प्रमुख अंग पूर्वाग्रहबाट निर्देशित हुन नहुने बताउनु भएको छ । उहाँले राज्यका सबै अंगले आफनो सीमाभित्र रहेर काम गर्नुपर्ने औंल्याउनुभयो ।

राज्यका प्रमुख अंगहरु कुनै आग्रह वा पूर्वाग्रहबाट निर्दे्शित हुन नदिनेमा आफू पनि सचेत रहेको उहाँले स्पष्ट पार्नुभयो । उहाँले आफू संविधान र कानुनले सुम्पिएको जिम्मेवारी पूरा गर्न प्रतिवद्ध रहेकोमा जोड दिनुभयो ।

६५ औं कानुन दिवसको अवसरमा मंगलबार काठमाडौंमा आयोजित समारोहलाई सम्बोधन गर्दै उहाँले भन्नुभयो, ‘संविधान र कानुनको अन्तिम व्याख्या गर्ने निकाय न्यायालय भएकाले सोही अनुसारको जिम्मेवारी पूरा गर्न म दृढ छु ।’

प्रधानन्यायाधीश कार्कीले न्यायालय आफ्नो सीमाभित्र रहेर जनतालाई न्यायमा पहुँच र्पुयाउन आफू लागि परेको पनि स्पष्ट पार्नुभयो ।

उहाँले राज्यका प्रमुख अंगहरुको सहकार्यबाटै जनताले न्याय पाउने उल्लेख गर्दै संविधान कार्यान्वयन राज्यको सर्वाधिक महत्वको विषय भएको उल्लेख गर्नुभयो ।

सो अवसरमा प्रधानन्यायाधीश कार्कीले न्यायालयको यात्रा चुनौतिपूर्ण रहेको समेत बताउनुभयो । उहाँले जनतालाई न्याय दिलाउन राजनीतिक दलहरुको इच्छाशक्तिको आवश्यक्ता हुनेमा पनि जोड दिनुभयो । उहाँले संवैधानिक सर्वोच्चताको सिद्धान्त अनुसार न्यायालय अघि बढने पनि बताउनुभयो ।

    Comment Here!

Related NEWS
मुख्य खबर

तिमी र म

-कमला राई- (मिरिक, दार्जिलिङ) म र तिमी तिमी र म म छु र नै तिमी छौ। तिमी छौ र नै

इलेक्ट्रा कम्प्लेक्स

-इल्या भट्टराई-  चिनले आज पनि फेरि इमेल पठाएकी रहिछे । हिजो पनि पठाएकी थिई ।

हामी नाभीहरू

-लिला सिंगक लिम्बु- बुवा आमाको मुटुको टुक्रा ८ नाभिहरु हामी हामी केही रहर सँग आयौ केही सपनासँग त केही परिस्थितिहरुसँग जसरी

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

Read more
© 2015.All rights reserved by mahilakhabar.com
%d bloggers like this: