मतदाता परिचयपत्र लिँदा मतदान गर्ने तरिका पनि सिक्नुहोस्ः निर्वाचन आयुक्त शर्मा


प्रकाशित मिति :2017-05-12 16:55:06

महिला खबर

काठमाडौं । निर्वाचन आयुक्त इला शर्माले मतदान गर्ने तरिकामा अन्यौल रहे मतदाता परिचयपत्र लिने क्रममा सिक्न आग्रह गर्नुभएको छ।

उहाँले समकोण टेलिभिजन कार्यक्रममा सहभागी भएका सर्वसाधारणहरुको  प्रश्नको जवाफ दिँदै शनिबारसम्म मतदाता परिचयपत्र लिन पाउने र त्यहिबेला मतदान गर्ने सही तरिका पनि सिकाइने जानकारी दिनुभयो । ‘मत हाल्ने तरिकाबारे अलमल छ भने मतपत्र लिने बेलामै सिकेर जानुहोस्,’ उहाँले भन्नुभयो ।

कार्यक्रममा सहभागीहरुले मतदान गर्ने तरिका, मतपत्र पट्याउने तरिका, मतदाता परिचयपत्र कहाँ, कसरी पाइने लगायतका विषयमा प्रश्न गरेका थिए । सो अवसरमा पूर्व प्रमुख निर्वाचन आयुक्त सूर्यप्रसाद श्रेष्ठले मतदातालाई निर्धक्क रुपमा आफूलाई सही लागेको व्यक्तिलाई मतदान गर्न सुझाउनुभएको थियो ।

काठमाडौं लगायत विभिन्न स्थानका मतदाताहरु सहभागी भएका सो कार्यक्रममा वरिष्ठ पत्रकार कुन्द दीक्षितले मतदाताहरुलाई पूर्वाग्रहबाट प्रभावित नभइ स्थानीय तहको विकास गर्नसक्ने उम्मेदवार चयन गर्न पनि सल्लाह दिनुभएको थियो ।
वैशाख ३१ गते आइतबार ३, ४ र ६ नं प्रदेशका ३४ वटा जिल्लामा स्थानीय तहको निर्वाचन हुँदैछ ।

कार्यक्रम समकोण आज शुक्रबार बेलुकी ९ बजे कान्तिपुर टेलिभिजनबाट प्रशारण हुँदैछ । यसलाई महिलाखबर डटकम र युट्युबबाट पनि हेर्न सक्नुहुनेछ ।

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: