एसइईमा छात्राको नतिजा खस्किदो


प्रकाशित मिति :2017-06-19 14:02:11

महिला खबर

काठमाडौं । यस वर्षको माध्यमिक शिक्षा परीक्षा कक्षा १० (एसइई) को परीक्षामा छात्रको तुलनामा छात्राहरुको नतिजा कमजोर देखिएको छ । परीक्षामा नियमिततर्फ कुल चार लाख ४५ हजार ५ सय ६४ सहभागी भएका थिए । जस्मा छात्राहरु दुई लाख २३ हजार ८८२ (५०.२५ प्रतिशत) सहभागी भएका थिए भने छात्रहरु दुई लाख २१ हजार ६८२(४९ दशमलव ७५ प्रतिशत) सहभागी थिए ।

परीक्षामा छात्रा बढी सहभागी भएपनि उत्तिर्ण भने कम भएका छन् । गत शुक्रबार सार्वजनिक भएको परीक्षाफलमा स्तरीकृत अंक ( जीपीए ) ३.६५ देखि ४ सम्म औषत अति उत्तम क्षमताका कुल १२ हजार २८४ विद्यार्थीमध्ये छात्राहरु छात्रा २ दशमलव ३४ प्रतिशत अर्थात ५ हजार २ सय ५० मात्र रहेका छन् । छात्रहरु छात्र ३ दशमलव ७५ प्रतिशत अर्थात् ७ हजार ३ सय ३४ रहेका छन् । जीपीए ३ दशमलव २५ देखि ३ दशमलव ६० सम्मको क्षमताका ४२ हजार ४२७ विद्यार्थी मध्ये छात्र ११ दशमलव २४ अर्थात २४ ९११ रहेका छन् भने छात्रा ७ दशमलव ८२ प्रतिशत अर्थात १७५१६ रहेका छन् ।

जीपीए २ दशमलव ८५ देखि ३ दशमलव २० सम्मको क्षमताका ५० हजार ६ सय ४६ विद्यार्थी मध्ये छात्राहरु २१ हजार १ सय ७४ रहेका छन् भने छात्रहरु २९ हजार ४७२ रहेका छन् । जीपीए २ दशमलव ४५ देखि २ दशमलव ८० सम्मको क्षमता भएका ६१ हजार ९ सय ५५ विद्यार्थी मध्ये छात्रा २८ हजार २५६ रहेका छन् भने छात्रहरु ३३ हजार ६९९ रहेका छन् ।

जीपीए अन्र्तगत विज्ञान समूह अध्ययन गर्न २ जीपीए हुनुपर्छ भने व्यवस्थापन, शिक्षा, मानविकी संकाय अध्ययन गर्न कम्तीमा १.६ जीपीए ल्याउनुपर्ने हुन्छ । यसले गर्दा विज्ञान लगायत विषयमा अध्ययन गर्ने छात्रको तुलनामा छात्राको संख्या पनि कम हुने देखिन्छ ।

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: