‘सूचनाको हक सम्वन्धि ज्ञान हुनु आवश्यक’


प्रकाशित मिति :2017-06-20 17:20:10

-महिला खबर-

काठमाडौं । स्थानीय तहमा निर्वाचित भएसगै नयाँ संरचनामा काम गर्नुपर्नेभएकाले महिला नेतृत्वहरुमा सूचनाको हक सम्वन्धि ज्ञान हुनु अत्यावश्यक रहेको एक कार्यक्रमका सहभागीहरुले जोड दिएका छन् ।

स्थानीय निर्वाचन महिला नेतृत्वमा सूचनाको हक विषयक अन्र्तक्रियात्मक कार्यक्रममा सहभागीहरुले सूचनाको हक सम्बन्धि ज्ञान नहुँदा महिलाहरु पिडित हुनुपरेको उनीहरुको भनाई छ  । संसद विकास समितिका संयोजक रबिन्द्र अधिकारीले महिला अधिकारको विषय सबैको चासोको विषय भएको भन्दै महिला पुरुष एक भएर जानुपर्ने बताउनुभयो ।

उहाँले राजनीतिक तहमा मात्र नभएर उच्च तहमा समेत महिला सहभागिता ५ प्रतिशत भन्दा कम रहेको भन्दै यसलाई बढाउनुपर्नेमा जोड दिनुभयो । काठमाडौं महानगरपालिकाका नवनिर्वाचित मेयर विद्या सुन्दर शाक्यले महानगरपालिकाले महिला सशक्तिकरणका कार्यक्रमहरु ल्याउने बताउनुभयो । उहाँले महागरपालिकाकाले गर्ने काममा महिला पुरुषको नाममा कुनैपनि विभेद नहुने बताउनुभयो ।

राष्ट्रिय सूचना आयोगका प्रमुख आयुक्त कृष्णहरी बास्कोटाले महिलाहरुमा सूचनाको हकलाई कसरी प्रभावकारी बनाउन सकिन्छ भन्ने विषय चासोको विषय भएको बताउनुभयो । सूचना आयुक्त किरणकुमार पोख्रेलले स्थानीय निवार्चनमा उपप्रमुखमा निर्वाचित महिलाहरु न्यायीक समितिको संयोजक हुने हुँदा उनीहरुमा सूचनाको हक सम्वन्धि ज्ञान हुनु आवश्यक रहेको बताउनुभयो ।

सूचना आयुक्त यशोदा तिम्सिनाले स्थानीय तहको पहिलो निर्वाचनमा ५ हजार भन्दा बढि महिला आउनु राम्रो पक्ष भएको बताउनुभयो । उहाँले महिलालाई कानुनले धेरै अधिकार दिएपनि थाहा नहुँदा अधिकारबाट वञ्चित हुनुपरेको बताउनुभयो ।

कार्यक्रममा मानव अधिकार सञ्चार प्रतिष्ठानकी अध्यक्ष अम्रिता लम्सालले स्थानीय निर्वाचन र महिला नेतृत्वमा सूचनाको हकका विषयमा कार्यपत्र प्रस्तुत गर्नुभएको थियो । कार्यक्रम राष्ट्रिय सूचना आयोग र मानव अधिकार सञ्चार प्रतिष्ठान नेपालको संयुक्त आयोजनामा भएको हो ।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: