जोखिम मोलेर बस्न बाध्य छन् सुरेल महिला


प्रकाशित मिति :2017-06-21 15:03:17

सर्मिला बुढाथोकी

दोलखा । सुरीका लोपोन्मुख सुरेल समुदायका जेष्ठ महिलाहरु भुकम्पपछि चर्किएको घरमा जोखिम मोलेर बस्न बाध्य छन् । आर्थिक अवस्था नाजुक रहेको र लाभग्राहीको सूचीमा समेत नाम नहुँदा सरकारी अनुदान नपाएपछि चर्किएकै घरमा बस्न बाध्य भएको ७९ बर्षिया बृद्धा जुनकी सुरेलले बताइन् ।

श्रीमानको मृत्यु भैसकेको र छोराहरु अलग बस्ने भएकाले एक्लै चर्किएको घरमा बसेको जुनकी बताउछिन् । घर खर्च भने छोराहरुले दिने गरेको उनले बताइन् । आफू जस्तै एकल महिलाहरुलाई सरकारले विषेश रुपमा हेर्नुपर्नेमा सवैले प्राप्त गर्न सक्ने सुविधाका लागि लाभग्राहीको सूचीमा समेत नाम नराख्दा उनी दुखित छन् ।

जुनकी जस्तै ७३ बर्षिय टिकामाया सुरेल पनि श्रीमानको निधनपछि एक्लै टहरामा बस्दै आएकी छन् । भुकम्पले घर भत्किएको र छोराहरु अलग बस्ने भएकोले आफु टहरामा एक्लै बस्ने गरेको टिकामाया बताउछिन् । लाभग्राहीको सूचीमा नाम नभएको र घर बनाउन सक्ने हैसियत नभएको उनले बताइन् ।

सरकारको समेत सहयोग नभएपछि दोलखाका गरीब तथा विपन्न बर्गका धेरै भुकम्प पीडितहरु अहिले पनि टहरामा बस्दै आएका छन् । ७८ बर्षिया हरिकुमारी सुरेल छोराहरुसगै बस्ने भएपनि भुकम्पले चर्किएकै घरमा छिन् । आर्थिक अभावको कारण छोराहरुले नयाँ घर बनाउन नसकेकोले छोराहरुसंग चर्किएकै घरमा बस्न बाध्य भएको हरिकुमारी सुरेलले बताइन् ।

नेपालको लोपोन्मुख नौ जाति मध्यमा पर्ने सुरेलको जनसंख्या जम्मा दुई सय ३७ रहेको छ । जसमा २० जना भारतको दार्जिलिङमा बस्ने गरेका छन् । दुई सय ३७ जना मध्य एक सय २२ जना महिला रहेको र त्यसमा नौ जना एकल महिला रहेको सुरेल जाति महिला उत्थान समाजको अध्यक्ष सरस्वती सुरेलले जानकारी दिइन् । अधिकांश एकल सुरेल महिला भुकम्पले चर्किएको घरमा जोखिम मोलेर बस्न बाध्य भएको अध्यक्ष सरस्वतीको भनाई छ । एकल महिलालाई सुरक्षित भवनमा राख्न र आवश्यक सहयोग गर्न सरकारले विशेष योजना ल्याउनु पर्ने सरस्वती बताउछिन् ।

सुरेलहरुको बस्ती रहेको गौरीशङ्कर गाँउपालिकाका प्रमुख स्वयमबहादुर खड्का नेपालको एतिहासीक लोपोन्मुख सुरलहरुको संरक्षण गर्नु सरकारको समेत दायित्व भएकोले सरकारले विशेष कार्यक्रम सञ्चालन गर्नुपर्ने बताउछन् । उनले सुरेल महिलाहरुलाई सुरक्षित आवासमा राख्न र आवश्यक सहयोग गर्न विशेष कार्यक्रम सञ्चालन गर्ने समेत बताए ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: