सिरहाका महिला सरसफाई अभियानमा


प्रकाशित मिति :2017-06-21 15:58:03

यमुना खनाल

सिराहा । सिराहाका महिलाहरु जिल्लालाई सरसफाई र खानेपानीको पहुँचमा नमुना बनाउन सक्रिय भएका छन् । सरकारी लक्ष्य अनुरुप सन् २०१७ भित्रमा सरसफाइमा नमुना बनाउन लागेका हुन् ।

सरकारले पनि सन् २०१७ सम्ममा देशका सम्पूर्ण जनतामा खानेपानी र सरसफाईको पहुँच पु¥याउन राष्ट्रिय लक्ष्य राखेको छ । तीन वर्ष अघिसम्म सरसफाईको दृष्टिले देशकै ७४ औं स्थानमा पर्ने सिराहामा शौचालय प्रयोग गर्ने नागरिक १७ प्रतिशत मात्रै थियो । महिला तथा सरोकारवालाहरुको प्रयासले अहिले शौचालय प्रयोग गर्ने नागरिकको संख्या ९० प्रतिशत पुगेको जिल्ला समन्वय समिति सिराहाले जनाएको छ ।

यसअघि घरमा शौचालय नहँुदा खुल्ला दिसाका कारण सबैभन्दा धेरै महिला तथा बालबालिकाले स्वास्थ्य लगायतका समस्या भोग्दै आएका थिए । घरमा शौचालय नहुँदा दिसा लागे साँझ कुरेर बस्नु पर्ने, खुल्ला ठाँउमा दिशा गरेकै कारण बिभिन्न किसिमका हिंसामा पर्ने जस्ता समस्या रहेको सरसफाइमा संलग्न सीता चौधरीले बताउनुभयो ।

महिलाहरुकै अगुवाईमा पतारी गाँउपालिका, २ पर्सा पोखरभिन्डा बुधबार खुल्ला दिशामुक्त घोषणा भएको छ । गाउँलेहरुले अब खुल्ला ठाँउमा दिसा नगर्ने र कसैले गरेमा पाँच सय रुपैयाँ जरिबाना गर्ने नियम बनाएका छन् ।

शनिबार सिरहा नगरपालिका, १ खुल्ला दिशा मुक्त घोषणा भयो भने लहान नगरपालिका, १० सोमबार खुल्ला दिसा मुक्त घोषणा भयो । अन्य गाउँपालिकामा पनि खुला दिसामुक्त घोषणा अभियान चलिरहेको छ । सरसफाईबारे नागरिकमा सचेतना विकास गराउन अहिले सिरहाको लहान, गोलबजार, सिरहा सदरमुकाम सिरहामा सरसफाई अभियान चलिरहेका छन् जसमा महिलाले नै अगुवाई गरिरहेका छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: