बाख्रापालनको लागि महिलालाई सहयोग


प्रकाशित मिति :2017-06-23 09:00:13

-महिला खबर-

दोलखा । दोलखाको शैलुङ्गेश्वर गाउँपालिका– १ दुधपोखरी र २ भुषाफेदाका एक सय जना विपन्न महिलालाई बाख्रापालनको लागि २६ हजार २ सय नगद तथा खोर निर्माणका लागि १३ हजार ८ सय बराबरको सामग्री सहयोग प्राप्त भएको छ ।

इकार्डस दोलखा र प्लान इन्टनेशनलको साझेदारीमा सञ्चालित जिविकोपार्जन कार्यक्रमले विपन्न महिला पहिचान गरी बाख्रापालनका लागी उक्त सहयोग गरेको इकार्डस दोलखाका कार्यक्रम संयोजक सन्तोष दाहालले बताउनुभयो ।

बाख्रापालनको लागी एक जना बराबर नगद र सामान गरी ४० हजार बराबरको सहयोग गरिएको इकार्डस दोलखाले जनाएको छ । भुकम्पपछि घरबार विहिन भएका विपन्न महिलाहरुको पहिचान गरी आयआर्जनमा टेवा पु¥याउने उदेश्यले नगद सहित सामग्री वितरण गरिएको हो ।

बाख्रापालनको लागी साविकको दुधपोखरी गाविसका ५६ जनालाई र भुषाफेदाका ४४ जनालाई सो रकम वितरण गरिएको इकार्डस दोलखाका कार्यसमिती सदस्य चम्पा लामाले बताउनुभयो । त्यसैगरी साविकको भुषाफेदा गाविसका २२ जना विपन्न महिलाहरुलाई १६ हजार ४ सय ५० रुपैया नगद सहित १ सय १० वटा चल्ला वितरण गरिएको जनाइएको छ ।

शैलुङश्वर गाउँपालिकाको भुषाफेदा, फस्कु, दुधपोखरी, शैलुङश्वरका ३ सय ५० जना विपन्न महिलाहरुको पहिचान गरी नगद र सामान गरी १ करोड ४० रुपैया वितरण भएको इकार्डस दोलखाले जनाएको छ ।

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: