खड्गबहादुरको प्रतिवद्धता– ‘श्रीमतीलाई सबै काममा सघाउँछु’


प्रकाशित मिति :2017-06-26 12:43:18

सर्मिला बुढाथोकी

दोलखा । ‘महिलाले घरको काम धेरै गर्नु पर्दा बाहिरी काममा समय दिन नसकेका रहेछन्, मेलुङ गाउँपालिकाका खड्गबहादुर श्रेष्ठले भने,– ‘त्यसैले अब म घरमा श्रीमतीलाई सबै काममा सघाउँछु ।’

महिला तथा बालवालिकाको कार्यालय दोलखाको आयोजनामा भएको ‘लैङ्गिक हिंसा निवारणमा पुरुष सहभागिता प्रबद्र्धनका लागि सशक्तिकरण सहकार्य तालिमका सहभागिलाई बिहान उठे पछि घरमा के–के काम गर्नुहुन्छ लेख्नुस् भनेर प्रशिक्षकले अनुरोध गरे । त्यसपछि सहभागी महिला पुरुष सवैहरुले आफ्नो दैनिकी क्रमशः कपीमा टिपे । उनीहरुको कामका लागि एक-एक वटा डोरी जिउमा बाँधियो । महिलाले शरीर पुरै बाध्न पुग्ने गरी डोरी पाए भने पुरुष सहभागिले थोरै मात्र डोरी पाए ।

यस्तो अभ्यासमा डोरी प्राप्त गर्ने महिला पुरुष दुबैका लागि केही सामान लिएर आउन अनुरोध गरियो । सामन लिएर आउने काममा पुरुष अगाडि भए । अगाडि हुनुको कारण महिला कमजोर भएर नभै पुरुष बढि फुकुवा भएर थियो । प्रदर्शनको माध्यमबाट महिलालाई घरेलु कामको बोझ कति हुन्छ भन्ने प्रष्ट भएपछि खड्कबहादुर घरमा श्रीमतीलाई सबै काममा सघाउने निष्कर्षमा पुगेका थिए ।

तालिममा सहभागि भएकी मेलुङ् गाउँपालिकाकी रञ्जना पौड्याल घरायासी काममा महिला पुरुषले बराबरी दायित्व लिनुपर्ने बताउँछिन् । उनी भन्छिन्– ‘घरको काममा पुरुषले वास्ता नगरेकै कारण महिलाहरुले घरको काम बढि गर्नु पर्दा अन्य अवसरबाट बञ्चित हुनु पर्ने अवस्था छ ।’ मेलुङ गाउँपालिकाको तीन पिप्ले र भीमसेन प्रावीमा बिशेष गरेर श्रीमान् श्रीमतीको लागि आयोजना गरिएको तालिममा महिला र पुरुष गरी ६० जनाको सहभागिता रहेको महिला विकास सहायक निरिक्षक आशा माझीले जानकारी दिइन् । तालिममा लैङ्गिक भुमिकाको पहिचान, दैनिक कार्यतालिकाको विश्लेषण, स्रोत, अवसर, लाभमा महिला र पुरुषको पहुँच नियन्त्रण, सम्पन्नताकालागि समानता, महिला माथि हुने हिंसाका प्रकार, हिंसाका कारण र न्युनिकरणका उपाय, प्रजनन् स्वास्थ्य समस्या, सरोकार र संबेदनसिलता, महिला सशक्तिकरणमा पुरुषको भुमिका लगायतका विषयमा जानकारी दिईएको थियो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: