ट्युनिसियाका महिला पुन कुमारीत्व फर्काउन चाहन्छन्


प्रकाशित मिति :2017-06-29 09:55:40

उनी एउटा सानो शल्यक्रियाबाट आफ्नो कुमारीत्व फेरि बनाउनका लागि यहाँ आएकी हुन् । हामी आधुनिक समाजमा बसेका भन्छौं तर महिलाको यौन इच्छा र स्वतन्त्रतामा भने समाज खासै आधुनिक भइसकेको छैन । यास्मीनको विवाह दुई महिनापछि हुँदैछ । यी २८ वर्षीयालाई

आफ्नो श्रीमानले उनी कुमारी नभएको कुरा पत्ता लगाउलान् भन्ने डर छ । 

ट्युनिसिया  युवती विवाह गर्ने बेलामा कुमारी हुनुपर्छ भन्ने मान्यता छ । यसै कारण यो देशमा कुमारीत्व पुनस्र्थापना गर्ने एक विशेष शल्यक्रिया व्यापारको रूपमा फस्टाउँदै छ ।
यास्मीनलाई (परिवर्तित नाम) छटपटी छ । उनी कहिले आफ्नो नङ्ग टोक्छिन् त कहिले मोबाइल हेर्छिन् । ‘मलाई यो कसैलाई धोका दिएको जस्तो लागिरहेको छ । मलाई पिर परेको छ,’ उनी भन्छिन् ।

हामी टुनिस शहरको चौथो तल्लाको निजी स्वास्थ्य सेवा क्लिनिकमा छौँ । यहाँ स्त्रीरोग सम्बन्धी सेवाहरू दिइन्छ । हामा्रे वरिपरि अरू महिला धैर्यतापूर्वक आफ्नो पालो कुरिरहेका छन् । यास्मीले मलाई खुसुक्क भन्छिन् उनी एउटा सानो शल्यक्रियाबाट आफ्नो कुमारीत्व फेरि बनाउनका लागि यहाँ आएकी हुन् । हामी आधुनिक समाजमा बसेका भन्छौं तर महिलाको यौन इच्छा र स्वतन्त्रतामा भने समाज खासै आधुनिक भइसकेको छैन । यास्मीनको विवाह दुई महिनापछि हुँदैछ । यी २८ वर्षीयालाई आफ्नो श्रीमानले उनी कुमारी नभएको कुरा पत्ता लगाउलान् भन्ने डर छ । उनी यहाँ कृतिम तरिकाले कुमारित्व फर्काउने उद्देश्यले आईन् तर उनलाई पछि सत्य बाहिर आउला भन्ने डर छ ।

“कुनै दिन मैले कुराकानीबाटै यो तथ्य श्रीमानलाई फुस्काउन सक्छु । श्रीमान् आफैले पनि शंका गर्न सक्छन्,”उनी भन्छिन् । भर्खरका महिलाको विवाह लगत्तै पारपाचुकेको लागि दबाब परेका केही घटनाहरू बाहिर आएका छन्। ती घटनाहरूमा श्रीमानले श्रीमतीको कुमारीत्वमा शंका गरेका थिए । यास्मीनको जन्म उदारवादी परिवारमा भएको थियो ।

उनी धेरै वर्ष विदेश पनि बसिन् । उनलाई मंगेदरले उनको यौन इतिहास थाहा पाए भने विवाह गर्न असहमत हुन्छन् भन्ने डर छ । ‘मेरो सम्बन्ध एउटा पुरुषसँग थियो । त्यति बेला मैले कल्पनासम्म गर्न सकेको थिइन कि समाजले यसमा यति धेरै दबाब दिन्छ भनेर । अनि यसका नतिजाहरु के हुन्छन् भनेर,’ यास्मीन भन्छिन् ।

यास्मीनले उक्त ३० मिनेटको शल्यक्रियालाई करिब ४०० डलर तिर्ने छिन्। उनले घरपरिवारलाई थाहा नदिई शल्यक्रियालाई पैसा बचाएकी थिइन् । उनको शल्यक्रिया गर्न खटिएका चिकित्सक स्त्रीरोग विशेषज्ञ हुन् र औसतमा उनले एक हप्तामा दुईवटा यस्ता शल्यक्रिया गर्छन्। उनी भन्छन्,– ‘९९% गा्रहक डर, लाज र परिवारमा आउन सक्ने आँचबाट ग्रस्त हुन्छन् ।’

‘चिकित्सकहरुले गुप्ताङ्गको शल्यक्रियाबाट कुमारीत्व मर्मत गर्न सक्छन् । यो ठुलो कुरा होइन । तर केही चिकित्सकहरु यस्तो शल्यक्रिया गर्न मान्दैनन् । म सैद्धान्तिक हिसाबले कुमारित्वलाई धर्म र शुद्धतासँग जोड्नेहरुसँग सहमत छैन । यो एउटा पुरुषवाद हाबी भएको समाजको उदाहरण हो । म यसको विरुद्धमा छु ।’ चिकित्सक भन्छन् ।

उत्तरी आफ्रिकामा टुनेसियालाई महिला अधिकारको विषयमा रामा्रे नेतृत्व लिएको देश भनिन्छ । तर धर्म र परम्पराका कारण महिला विवाह नभएसम्म कुमारी हुनुपर्ने दबाब छ । कुमारी नभएमा बेहुलीलाई पारपाचुके दिन सक्ने प्रावधान टुनेसियाको कानुनमा छ ।

एउटा सरकारी विश्वविद्यालयमा मैले एक २९ वर्षीय विद्यार्थीलाई भेटें । उनी अर्को वर्ष बिहे गर्दैछिन्। मैले उनलाई सोधेँ उनको हुनेवाला श्रीमती कुमारी नै हुनुपर्छ वा पर्दैन । ‘हुनुपर्छ नि। मेरो लागि यो धेरै, धेरै महत्त्वपूर्ण कुरा हो,” उनले भने।

उनीसँगै बसेका अर्को विद्यार्थीले भने फरक विचार व्यत्त गरे । ‘मेरो विचारमा यो दोग्ले कुरा हो, उनी भन्छन्,– ‘युवा बिहे अगाडि यौन स्वतन्त्रताको प्रयोग गर्छन् । तर युवतीलाई मात्र किन दोष दिने त?’

साभारः सिहेम हसानी, बिबिसि

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: