द्रौपदीले निःशुल्क उपचार पाइन्


समाचार प्रभाव

प्रकाशित मिति :2017-07-16 14:04:53

सर्मिला बुढाथोकी
दोलखा । आर्थिक अभावका कारण एक वर्षदेखि भाँच्चिएको खुट्टाको शल्यक्रिया हुन नसकेर पीडित महोत्तरी गौशाला बजारकी ४० बर्षिया द्रौपतीदेवी महतोको निःशुल्क शल्यक्रिया भएको छ । चरिकोट प्रस्तावित अस्पतालमा निःशुल्क उपचार पाएपछि पछि अरुको साहारा बिना बैशाखी टेकेर अस्पतालबाट डिस्चार्ज हुनुभएको छ ।

लडेर खुट्टा भाँच्चिए पछि विगत १ बर्ष देखि थलामा पर्नु भएकी महतोलाई चरिकोट प्रस्तावित अस्पतालले एक हप्ता अस्पतालमा राखेर निशुल्क उपचार गरेको थियो । असार २२ गते श्रीमान सियाशरण महतोको साहारामा अस्पताल भर्ना हुनुभएको द्रौपदीको दुबै खुट्टा टेकेर पहिले जस्तै हिँडडुल गर्ने सपनाबारेको समाचार महिलाखबरले प्रकाशित गरेको थियो ।

उपचार पछि अस्पतालबाट बाहिरिदै गर्दा द्रौपदीले भन्नु भयो – मेरो सपना पुरा भएको छ । अब म दुबै खुट्टा टेकेर पहिले जस्तै हिँडडुल गर्न सक्ने छु । खुट्टा राम्रोसंग ठिक भएपछि आफु र श्रीमान् मिलेर मजदुरी गरी उपचारमा लागेको ४० हजार ऋण तिर्ने द्रौपदीको योजना छ ।

मजदुरी गरेर कमाएको झण्डै दुई लाख रुपैया श्रीमतीको खुट्टाको उपचारमा सकिँदा पनि उपचार नभएर निराश सियाशरण निःशुल्क उपचार पछि श्रीमती हिड्न सक्ने भएको भन्दै खुशी हुनुभयो ।

अस्पतालका निर्देशक डा. विनोद दंगालले दाँया खुट्टा भाँच्चिएर जटिल अवस्थामा आएको द्रोपतीको शल्यक्रिया गरी स्टीलको पाता राखिएको र अब बिरामी राम्रोसंग हिँडडुल गर्न सक्ने बताउनु भयो । अस्पतालका हाडजोर्नी तथा नशा रोग विशेषज्ञ डाक्टर मन्दिप पाठकको नेतृत्वमा द्रौपदीको शल्यक्रिया गरिएको थियो ।

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: