स्थानीय तहको प्रमुख पदमा महिला एक प्रतिशतमै सिमित


प्रकाशित मिति :2017-07-26 16:30:41

-खेमा बस्नेत-

काठमाडौं । दोस्रो चरणमा भएको स्थानीय तह निर्वाचनमा पनि महिलाले प्रमुख पदमा एक प्रतिशतमै चित्ता बुझाउनुपरेको छ ।  निर्वाचन आयोगको अन्तिम तथ्यांक अनुसार महा÷उपमहा÷नगर प्रमुखमा १ जना(०.८४ प्रतिशत), गाउँपालिका प्रमुखमा ३ जना (१.३९ प्रतिशत) र वडा अध्यक्षमा २५ जना(०.८७ प्रतिशत) महिला निर्वाचित भएका छन् । पहिलो चरणको नतिजा पनि उस्तै छ ।

असार १४ गते प्रदेश नम्बर १, ५ र ७ का ३५ जिल्लाका ३३४ स्थानीय तहबाट १५ हजार नौ जना जनप्रतिनिधिहरू निर्वाचित भएका छन् । जसमा छ हजार १७७ जना (४१.१६ प्रतिशत) महिला र आठ हजार ८३२ जना (५८.८४ प्रतिशत) पुरुष निवार्चित भएका छन् ।

आयोगका अनुसार दोस्रो चरणमा एक नगरप्रमुख, तिन गाउँपालिका अध्यक्ष र २५ वडा अध्यक्ष गरी २९ जना महिला प्रमुख पदमा निर्वाचित भएका छन् । उपप्रमुखमा भने ३१५ जना महिला निर्वाचित भएका छन् । उपप्रमुख पुरुष जम्मा १९ जना मात्र आएका छन् ।

स्थानीय तह निर्वाचन ऐन २०७३ का अनुसार दलले उम्मेदवार बनाउँदा प्रमुख वा उपप्रमुख पदमध्ये एकमा महिलालाई अनिवार्य उम्मेदवार बनाउने व्यवस्था छ । तर दलहरुले ‘उप’ पद महिलाकै लागि छुट्याएझै गरे ।

त्यसैगरी वडा अध्यक्षमा २५ जना महिला र २८४८ जना पुरुष विजयी भएका छन् । सदस्यमा भने महिला करिब ४१ प्रतिशत आएका छन् । आरक्षिततर्फ वडा महिला सदस्यमा २८७३ र दलित महिला सदस्यमा २८४९ जना निर्वाचित भएका छन् । त्यस्तै खुल्ला सदस्यमा १११ जना महिला निर्वाचित भएका छन् ।

दलित महिला सदस्यको २४ पदमा भने उम्मेदवारी नपरेकाले पद खाली रहेको तथ्यांकले देखाउँछ । वडामा ५६३५ जना पुरुष निर्वाचित भएका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: