‘जर्बजस्ती करणीका घटना बढ्दो’


प्रकाशित मिति :2017-08-01 13:44:24

–सन्दिप वि.क–

काठमाडौं । झापाको बिर्तामोड नगरपालिका ६ की ५ वर्षीय बालिकालाई बलात्कार गरेको अभियोगमा विर्तामोड प्रहरीले यही साउन ८ गते सोही नगरपालिका ४ का वर्ष ४४ का सुमन भन्ने समान वि.कलाई पक्राउ गर्यो ।

 वि.कले साउन ७ गते बालिकालाई आफ्नै घरमा बोलाएर जर्बजस्ती करणी गरेको बालिकाका आफन्तले बताएका छन् । विकलाई हिरासतमा राखेर थप अनुसन्धान गरिरहेको विर्तामोड प्रहरी कार्यालयका प्रहरी नायक निरिक्षक नन्दकुमार गुरुङले बताउनुभयो । झापामा मात्रै आर्थिक वर्ष २०७३-७४ मा जर्वजस्ती करणीका १९ वटा घटना दर्ता भएका छन् । जुन ०७२-७३ को भन्दा १० वटाले बढि हो । ०७२-७३ मा ९ वटा घटना दर्ता भएका थिए ।

बारा महागढी नगरपालिका १० गंजभवानीपुरकी एक ३० वर्षीया महिलालाई आफ्नै घरमा एक्लै बसिरहेको बेला जबरजस्ती करणी गरेको अभियोगमा साउन १४ गते जिल्ला प्रहरी कार्यालयले प्रसौनी गाउँपालिका ६ इटियाहीका ३० वर्षीय सन्तोष तिवारीलाई पक्राउ गर्यो । अभियुक्त तिवारीलाई म्याद थप गरि मुद्धा चलान गरिएको जिल्ला प्रहरी कार्यालय बाराका प्रहरी नायक उपरिक्षक दिलिप घिमिरेले बताउनुभयो । बारामा आ.व ७३-७४ मा मात्रै १८ वटा जर्वजस्ती करणीका घटना भएको घिमिरेले बताउनुभयो ।

भक्तपुरको सूर्यविनायक नगरपालिका ३ बालकोट रागिनी हाईटमा १४ वर्षीया बालिकालाई जवर्जस्ती करणी गरेको अभियोगमा यहि साउन ३ गते एक युवालाई पक्राउ गर्यो । पक्राउ पर्नेमा धादिङ जलकिमिटार घर भई बाल्कोट बस्ने १८ वर्षीय प्रकाश उप्रेती रहेका छन् । उप्रेतीले गत असार १८ गते रामेछाप मन्थली ४ घर भई हाल काठमाडौं महानगरपालिका १६ सोह्रखुट्टे बस्ने बालिकालाई जवर्जस्ती करणी गरिएको आरोप लगाइएको छ ।

साउनको दुई सातामा भएको यि घटनाहरुले पनि नेपालमा पछिल्लो समय जर्वजस्ती करणीका घटना बढ्दै गएको देखाउँछ । नेपाल प्रहरीको पछिल्लो तथ्याङक अनुसार आर्थिक बर्ष २०७३-०७४ मा एक हजार १ वटा जर्वजस्ती करणीका घट्ना भएका छन् । जुन गत आ.व २०७२-७३ को भन्दा ३८ ले वढि हो । ०७२-७३ मा ९ सय ६३ वटा घट्ना घटेका थिए । त्यस्तै ०७१-७२ मा भने ९ सय ८१ वटा घट्ना घटेका थिए ।  यसैगरि, आर्थिक बर्ष २०७३-०७४ जर्वजस्ती करणी उद्योगमा ४ सय ८४ वटा घटना दर्ता भएका छन् । जुन २०७२-७३ को भन्दा ७२ ले बढि हो ।

प्रहरीका प्रवक्ता पुस्कर कार्कीले भने पहिले गाउँघरमै मिलाउने यस्ता घटनाहरु अहिले बाहिर आउन थालेसगै संख्यात्मक रुपमा बढेको देखिएको बताउनुभयो । ‘पहिले गाउँघरमा मिलमिलाप गर्ने गरिएका यस्ता घटनाहरु प्रहरीमा रिपोटिङ गर्ने क्रम बढेको छ । यसले पनि संख्या बढेको देखिन्छ ।’ कार्कीले भन्नुभयो ।

महिला सम्बन्धि सरोकार राख्ने संघ–संस्थाका कारणले पनि महिला हिंसाका घटना बाहिरा आउन थप टेवा पुगेको उहाँको भनाई छ । घटना हुन नदिन र भैसेपछि पीडकलाई कारबाहीको दायरामा ल्याउन प्रहरी सधै अग्रसर रहेको उहाँले बताउनुभयो ।

अधिवक्ता विष्णु पोखरेलले जवजस्ती करणीका घटनाको प्रकृति हेरर कारबाही हुने बताउनुभयो ।  जवर्जस्ती करणी भएको प्रमाणित भएमा मुलुकी ऐनको जवर्जस्ती करणी महल अनुसार १० वर्ष भन्दा माथि र १४ वर्ष भन्दा मुनिका बालिका माथि जवर्जस्ती करणी भए १२ वर्ष सम्म जेल सजाय हुने कानुनी व्यवस्था भएको पोखरेलको भनाई छ ।

‘परिस्थिति र महिलाको उमेर हेरी दण्ड सजाय’

नेपालको मुलुकी ऐनको नयाँ व्यवस्थाले करणी सम्बन्धि कसूरमा कसैले जवर्जस्ती करणी गर्न नहुने भनिएको छ । जवर्जस्ती करणी गर्ने व्यक्तिलाई करणी गर्दाको परिस्थिति र महिलाको उमेर हेरी दण्ड सजाय हुनेछ ।

विद्येयकमा यदि दश वर्ष भन्दा कम उमेरकी बालिका भए दश देखि पन्ध्र बर्षसम्म, दश वर्ष वा दश भन्दा बढी चौध वर्ष भन्दा कम उमेरकी बालिका भए ६ वर्ष देखि दश वर्षसम्मको कैद हुने भनिएको छ ।

यदि चौध वर्ष वा चौध वर्षभन्दा बढी सोह्र वर्ष भन्दा कम उमेरकी बालिका भए ६ वर्ष देखि दश वर्ष सम्म, सोह्र वर्ष वा सोह्र वर्ष भन्दा बढी अठार वर्ष भन्दा कम उमेरकी महिला भए पाँच वर्ष देखि आठ वर्षसम्म र अठार वर्ष वा अठार वर्ष भन्दा बढी उमेरकी महिला भए चार वर्षदेखि सात वर्ष सम्म कैद हुने भनिएको छ ।

मूलुकी ऐनको संशोधित रुप देवानी संहिताको प्रतिवेदन हाल संसदमा छलफलको क्रममा रहेको छ । संसदमा पारित भएसगैँ यो कानुन २०७५ साल भदौ १ गतेदेखि लागू हुनेछ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: