‘पर्म’मै पक्की घर


प्रकाशित मिति :2017-08-03 10:16:42

विदुर आचार्य

सिन्धुपाल्चोक । इन्द्रावतीको तीर । सासाना टहरोको लाइनमा केही घर पक्की बन्दै छ । कुनैमा ढलान हालेर छोडिएको छ त केही वाल लगाउदै गरिएको छ । कुनै घर भने तयार भएर घरमुलीको प्रतिक्षामा बसेझैं चिटिक्क छ । मध्य वर्खामा खेतीबारीमा भेटिने किसानहरु घर बनाउन व्यस्त छन् ।

गाउँघरमा पर्ममा खेती चलाए जस्तै माझी समुदायका महिलाले भूकम्प पछि पर्म गरेर घर बनाउन जुटेका हुन् । सोमवार मध्यान्हनको चर्को गर्मीमा ३५ वर्षकी सुनमती माझी रड बाँध्दै थिईन् । माझी छिमेकीको घर बनाउन खटिएकी हुन् । उनीजस्तै चौतारा साँगाचोकगढी – ११ का माझी समुदायले आलो पालो पर्म चलएर पक्की घर निर्माण गरेका छन् ।

पर्म चलाएरै यो समुदायको ३६ वटा पक्की (आर सी सी) घर बनेको छ । विनासकारी भूकम्पले माझी समुदायका शतप्रतिशत घर भत्किएको थियो । पर्म गरेर नै शतप्रतिशत आवास निर्माण गरेपछि आवास अनुदान तेस्रो किस्ता सिफारिस भइसकेको छ ।

‘तीन महिना भयो पर्ममा घर वनाउने काम गरेको’, स्थानीय अञ्जु माझीले बताइन् । अञ्जुले तीन महिना अघि सात दिने डकर्मी तालिम लिएकी थिइन् । ‘पहिले त घर वनाउने काम गर्न सकिन्छ भन्ने सोचेकै थिइन, तालिम लिएपछि त्यस्तो गाह्रो लागेन ।’ अञ्जु थप्छिन्, ‘भूकम्पले घर भत्काए पछि बस्न धेरै सकस भएको छ, त्यसले पनि हामीले छरछिमेक सवैको घर पालैपालो बनायौं ।’ डकर्मी काम गर्न आफु दक्ष भएको बताउँदै अरु महिलाहरुलाई दक्ष बनाएर ठेकेदार वन्ने अञ्जुको योजना रहेछ ।

यो समुदायमा पुननिर्मित घरको अवस्था अवलोकन गर्ने व्यक्ति हुन् सीता माझी । सात दिने डकर्मी तालिम लिएकी सीताले सवै घरको हरेको तहमा अनुगमन गरेको बताउँछिन् । ‘हामीले मापदण्डलाई पुर्ण अबलम्वन गरेका छौ ।’ घर ढलान गर्दे गर्दा भेटिएकी सीता निर्माण सामाग्रीको अनुपात मिलाउन सिकाउँदै थिईन् ।

दुई दिने पुनर्ताजकीकरण, सात दिने डकर्मी तालिम तथा चालीस दिने सीटिईभिटीको मान्यता प्राप्त डकर्मी तालिमले यो समुदायका प्रत्येक घरलाई लाभान्वित गरेको छ । आवास अनुगमन, सहजिकरण तथा समन्वय गरिरहेका बाजुराम थापामगर भन्छन्, ‘स्थानीय स्रोत साधन प्रयोग गरी आलोपालो आवास निर्माण गरेको यी सवै आवास संरचना पुर्ण सुरक्षित बनाईएका छन् ।’

अलोपालो आवास निर्माण गरेका सवै घरमा पर्म लगाउन अधिकांश महिला सहभागि भएका छन् । तालिम पाएपछि महिलाहरु कामका लागि सक्षम भएका हुन् । काम गर्न सक्ने घरका जनशक्ति पर्म लगाउन जाने गरेका छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: