महिला हिंसा घटाउन ‘भिडियो भ्यान’ सचेतना


प्रकाशित मिति :2017-08-03 14:52:32

-पार्वती पाण्डे –

कपिलवस्तु । लैंगिक हिंसा विरुद्ध सचेतना जगाउन कपिलवस्तुको तौलिहवामा भिडियो भ्यान सचेतना सुरु भएको छ । वाल विवाह, लैंगिक हिंसा जस्ता महिलामाथिको हिंसा न्यूनिकरण गर्न सन्देशमुलक नाटक, सचेतना कार्यक्रम न्यायमा पहुँच परियोजनाले सञ्चालन गरेको हो ।

भिडियो भ्यान सचेतना कार्यक्रमको कपिलवस्तु नगरपालिकाका उपमेयर लक्ष्मी गुप्ताले बुधबार उद्घाटन गर्नु भएको हो । कार्यक्रम बोल्दै उहाँले भिडियो भ्यान सचेतनाले लैंगिक हिंसा न्युनिकरणमा ठुलो टेवा मिल्ने बताउनु भयो । जिल्लामा महिला माथि हुने हिंसा व्याप्त भएको भन्दै यसलाई अन्त्य गर्न विशेष योजनाका साथ अघि बढ्ने स्पष्ट पार्नु भयो ।

लैंगिक हिंसा न्युनिकरणमा महिला हिंसा विरुद्ध ३ सय ६५ दिने अभियान अन्तरगत न्यायमा पहुँच परियोजनाले सञ्चालन गरेको भिडियो भ्यान सचेतनामा महिला हिंसा विरुद्धको एक्यवद्धतामा सयौं जनाले हस्ताक्षर गरेका थिए । कार्यक्रममा महिला माथि हुने हिंसा, वालविवाह सम्बन्धि डकुमेन्ट्री समेत देखाईएको थियो ।

कार्यक्रममा गैरसरकारी संस्था महासंघका अध्यक्ष प्रविण कुमार श्रीवास्तव, अधिकारकर्मीहरु पुष्पा रेग्मी, माधुरी श्रेष्ठ , मिना परियार, रामदयाल ठाकुर लगायतले जिल्लामा पहिलो पटक भएको भिडियो भ्यान सचेतना कार्यक्रमलाई जिल्ला भर विस्तार गर्नु पर्नेमा जोड दिनु भएको थियो ।

मानवअधिकार र सञ्चार प्रतिष्ठान नेपाल (इह्रिकन ) को आयोजना , सञ्चारिका समूह नेपाल , न्याय तथा अधिकार संस्थाको सहकार्यमा न्यायमा पहुँच परियोजना सञ्चालन भएको छ । लैंगिक हिंसा अन्त्य गर्दै न्यायमा पहुँच पुर्याउन यस प्रकारका कार्यक्रम गरिएको परियोजनाका संयोजक रोशली पोख्रेलले जानकारी दिनु भयो । परियोजनाले कपिलवस्तु नगरपालिका , महाराजगञ्ज नगरपालिकाका विभिन्न वडामा कार्यक्रम गरिने उहाँले बताउनुभयो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: