श्रीमान् साउदीको जेलमा, श्रीमतीलाई क्यान्सर


प्रकाशित मिति :2017-08-06 13:59:04

-पार्वती पाण्डे-

कपिलवस्तु । श्रीमती नेपालमा क्यान्सरको उपचार नपाएर छट्पटाउँदै छिन्, श्रीमान् उता साउदीको जेलमा । सुन्दा पनि चलचित्रको दृष्य झैं लाग्ने यो वास्तविकता कपिलवस्तुकी कमला पौडेलको परिवारको हो ।

वाणगंगा ४, डुंगा घर भएकी ३६ वर्षकी कमला पौडेलको पाठेघरमा क्यान्सर भएको छ । गत वैशाखदेखि लगातार पेट दुख्न नछोडेपछि उनलाई आफन्तको सहयोगमा चितवनको भरतपुरमा रहेको विपी कोइराला क्यान्सर अस्पताल लैजाँदा दोस्रो चरणको क्यान्सर भएको डाक्टरले पुष्टि गरेका हुन् । कमलाले भनिन्, ‘तल्लो पेट दुख्ने र रगत बग्न थालेपछि भरतपुर जाँदा क्यान्सर भएको थाहा पाएँ ।’ उपचारमा धैरै पैसा लाग्छ भनेपछि आफन्तले उपचार नगरी उनलाई कपिलवस्तु फर्काएका छन् ।

कमलाले थपिन्– ‘क्यान्सर लागेको मान्छे बाँच्दैन । भएको सम्पत्ति पनि भ्याएपछि अरु परिवारले के खान्छन् भन्दै फिर्ता ल्याए ।’ क्यान्सर रोग सरुवा रोग होइन । तर, उनलाई क्यान्सर भएको थाहा भएपछि छरछिमेक रोग सर्छ भनेर नजिक आउन छाडेका छन् । घरमा सानोतिनो काम गर्न सक्ने छोरालाई समेत छिमेकीले ‘रोग सर्छ आमाको नजिक नजाऊ’ भनिदिएपछि ठूलो छोरा समेत नजिक आउन छाडेको कमलाले बताईन् ।

कमलाको उपचार खर्च साथै हेरचाह गर्ने कोही छैन । रोजगारीको सिलसिलामा साउदी गएका श्रीमान् निलकण्ठ पौडेल उतै जेलमा छन् । उनलाई नेपाल झिकाउन कसैले पहल नगरिदिएको उनको गुनासो छ । कमलालाई श्रीमान् कुन मेनपावर कम्पनीमार्फत गएका हुन् पनि थाहा छैन ।

‘मलाई आर्थिक रुपले सहयोग गरि उपचार गर्ने कोहि भएन । श्रीमान् पनि साउदीमा जेलमा छन्’ कमलाले आँशु बहाउँदै भनिन् – ‘छोरा पनि रोग सर्छ भनेर नजिकै नआउने भयो ।’ सकी नसकी खाना बनाएर दिँदा छोरा खाना खान नजिक समेत नआउने गुनासो समेत उनले गरिन् ।

क्यान्सरबाट थलिएकी कमलाको अर्को समस्या पनि छ । कान्छो छोरा अपांग छन् । ९ वर्षका छोरा सागर हिँड्न र बोल्न सक्दैनन् । उनलाई खाना खुवाउनदेखि लिएर सबै काम अरुले गरिदिनु पर्छ । उनको सम्पत्तीको नाममा बस्ने बास र ३ कट्ठा जमिन बाहेक उनको अरु केहि छैन । अहिले कमलालाई आफ्नो भन्दा पनि चिन्ता श्रीमान र अपांग छोराको छ । श्रीमानलाई नेपाल झिकाउने र आफ्नो उपचारमा आर्थिक रकम जुटाईदिन उनले सरकार समक्ष आग्रह गरेकी छन् ।

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: