समाचार प्रभाव :‘पाँच वर्षको संघर्षपछि विमलाले नागरिकता पाईन्’


प्रकाशित मिति :2017-08-07 15:19:58

-महिला खबर-

काठमाडौं । धादिङको दार्खा गाउँपालिका –४ की बिमला नेपालीले पाँच वर्षको संघर्ष पछि वशंजको आधारमा नागरिकता पाएकी छन् । बिमलाले २०७३ फागुन १८ गते जिल्ला प्रशासन कार्यालय धादिङबाट बुबा मानबहादुर दमाईको नामबाट नागरिकता पाएकी हुन् । पटक पटक नागरिकताका लागि जिल्ला प्रशासन धाएकी विमलालाई विवाहित महिलाले श्रीमानको नामबाट नागरिकता लिनुपर्छ भन्दै फिर्ता पठाइएको थियो ।

विमलाले नागरिकता नपाएको समाचार महिला खबर डट कमले २०७३ मंसिर २४ गते प्रकाशित  गरेको थियो । त्यसपछि दबाब स्वरुप जिल्ला प्रशासनले उनलाई नागरिकता दिएको हो । विमलाले स्थानीय कुमार तामाङसँग प्रेम विवाह गरेकी थिइन् । विमला एक छोराकी आमा समेत हुन् । छोरा ३ वर्षको भएपछि श्रीमान् कुमारले उनलाई छाडिदिएका थिए । विवाह गरेर अलपत्र छाडेका श्रीमानको अत्तोपत्तो नहुँदा उनी नागरिकता पाउनबाट बन्चित भएको भएकी थिईन् ।

नागरिकता बनेपछि गरिखाने बाटो खुलेको विमला बताउँछिन् । ‘जे गर्दा पनि नागरिकता चाहिने रहेछ । अब त नागरिकता पाएकी छु गरि खाने बाटो खुलेको छ’ विमलाले भनिन् ।
नागरिकता भएपछि बैंकमा खाता खोल्नेदेखि समूहमा ऋण निकाल्न सजिलो भएको उनी बताउँछिन् । उनले नागरिकता छोराको जन्म दर्ता गराई दिएर पढाउने सपना पनि पुरा भएको बताउँछिन् ।

‘अहिले मेरो छोरा आठ वर्षको भएको छ । संधैँ स्कुलले जन्म दर्ता माग्दा दिन नसक्ने म मेरो नागरिकता बनेपछि छोराको पनि जन्मदर्ता गराएँ । जन्म दर्ता गराएसंगै मेरो छोरालाई पढाउने सपना पनि पुरा भएको छ’ विमलाले भनिन् । उनको छोरा छोरा रुद्रादेवी माध्यमिक विद्यालय धादिङमा कक्षा ३ मा अध्ययनरत छन् ।

नेपालको संविधान २०७२ को धारा १० र १२, नेपालको नागरिकता ऐन २०६३ को ३ (१) ले कुनै पनि नेपालीलाई नागरिकताबाट बञ्चित गर्न नमिल्ने व्यवस्था गरेको छ । बुबा, आमा, नेपाली नागरिक हो भने निजका सन्तानले बंशजकै आधारमा नागरिकता लिन सक्ने व्यवस्था छ ।

श्रीमानले बच्चा दिए, नागरिकता दिएनन्

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: