जिल्लाको एकमात्रै शल्यक्रिया सहितको प्रसुति सेवा बन्द : सुत्केरी हुन आउनेलाई सास्ती


प्रकाशित मिति :2017-08-07 15:55:37

-अप्रिल अधिकारी-

रामेछाप । रामेछाप जिल्लामै पहिलो पटक प्राथमिक सेवा केन्द्र मन्थलीमा सञ्चालन भएको शल्यक्रिया सहितको प्रसुति सेवा सञ्चालनको १५ महिना बित्न नपाउदै सेवा बन्द भएको छ ।सेवा बन्द भए पछि सुत्केरी महिला मारमा परेका छन् । यो सेवा बन्द भएसँगै जिल्लामा जटिल प्रसुती गराउने स्वास्थ्य केन्द्र नहुँदा गर्भवती र सुत्केरी हुने महिला समस्यामा परेका हुन् ।

२०७३ बैशाख महिनाबाट संचालनमा आएको सो सेवा असार मसान्तबाट बन्द भएको हो । यसअघि स्वास्थ्य मन्त्रालय अन्तर्गत केन्द्र सञ्चालन भएको थियो । चालु आर्थिक वर्षबाट सेवा सञ्चालनको जिम्मा मन्थली नगरपालिकाले लिने कि जिल्ला स्वास्थ्य कार्यलयले लिने भन्नेमा अन्यौलता हुँदा केन्द्र सञ्चालनमा समस्या निम्तिएको हो ।

बन्द अवस्थामा रहेको प्राथमिक स्वास्थ्य केन्द्र मन्थलीको प्रसुती शल्यक्रिया कक्ष ।

चालु आर्थिक वर्षमा भने केन्द्रको सञ्चालनको लागि बजेट विनियोजन नहँुदा सेवा बन्द गर्नु परेको प्राथमिक स्वास्थ्य केन्द्रकी चिकित्सक निलिजा शाक्यले जानकारी दिनु भयो । यही अन्यौलता बीच स्वास्थ्य विभागले जिल्ला स्वास्थ्य कार्यालयले नै सेवा संचालन गर्ने जिम्मेवारी दिइ सकेको समेत उहाँले जानकारी दिनु भयो ।

विभागले सेवा संचालन गर्ने त भन्यो तर बजेट निकासा भने हुन नसकेको उहाँले जानकारी दिनु भयो । केन्द्रमा बजेट नभएपछि कर्मचारीले समेत काम छोडिसकेका छन् । नयाँ कर्मचारी ल्याउन सुचना निकालेर कर्मचारी व्यवस्थापन गर्नु पर्ने अवस्था रहेको जिल्ला अस्पताल रामेछापले जनाएको छ ।

सेवा सञ्चालनले करिव एक बर्षको अबधिमा प्रसुतिका लागि काठमाडांै जाने महिलाको संख्यामा समेत कमी आएको थियो । सेवा बन्द भएको २३ दिनको अवधिमा केन्द्रमै सुत्केरी गराउन सकिने अवस्थाका २० जना गर्भवतीलाई सुत्केरी हुन काठमाडौं रिफर गर्नु परेको चिकित्सक शाक्यले जानकारी दिनु भयो ।

सेवा बन्द भएपछि जिल्लाका विभिन्न बर्थिङ सेन्टरबाट जटिल प्रसुतीका लागि टेलिफोन आउँदा सिधै काठमाडौं रिफर गर्न निर्देशन दिनु परेको शाक्य बताउनु हुन्छ । हाल जिल्लामा प्राथमिक स्वास्थ्य केन्द्र मन्थली सहित ३० स्थानमा बर्थिङ सेन्टर संचालनमा रहेका छन् ।जिल्लामा संचालनमा आएको २४ घण्टे आकस्मिक शल्यक्रिया सहितको केन्द्रबाट १५ महिनाको अवधिमा १ सय २६ जनाले लाभ लिएको प्राथमिक स्वास्थ्य केन्द्र मन्थलीले जनाएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: