जातीय विभेद हटाउछौं : दलित महिला जनप्रतिनिधि


प्रकाशित मिति :2017-08-11 14:19:54

–महिला खबर–

काठमाडौं । काठमाडौं महानगरपालिका, ३१ की दलित महिला सदस्य रीना नेपालीले काठमाडौंमा विद्यमान जातीय छुवाछुत अन्त्य गर्ने बताएकी छिन् ।

जातकै कारण कोही विभेदमा परे कानुनी रुपमै दण्ड दिनका लागि आफुले पहल गर्ने उनले बताइन् । महिला खबरसंगको कुराकानीमा उनले उम्मेदवारी दिदाँ नै जातीय विभेदमुक्त वडा बनाउने एजेण्डा लिएकाले सो प्रतिवद्धता पुरा गर्ने बताइन् ।

‘मैले जातीय छुवाछुत अन्त्य गर्छु भनेर नै उम्मेदवारी दिएकी थिए । अब, जातीय आधारमा कोही माथि विभेदमा परे कानुनी रुपमै दण्डसजाय दिनको लागि जोड दिनेछु’ –रिनाले भनिन् ।

रिना जस्तै काठमाडौंका अन्य वडाका दलित महिला सदस्यले पनि जातीय विभेद विरुद्धको कार्यक्रमलाई जोड दिएको बताएका छन् ।
वडा नंं १९ बाट वडा सदस्यमा विजयी उम्मेदवार रन्जीता परियारले पनि जातीय विभेद समाजको कलंकको रुपमा रहेको बताउँदै सो विभेद हटाउन जनचेतनामुलक र शैक्षिक कार्यक्रम लागू गर्ने बताइन् ।

शहरी क्षेत्रमै जातीय विभेद कायम रहेको भन्दै शिक्षा र चेतना विना जातीय विभेद हट्न नसक्ने उनको बुझाई छ ।

‘काठमाडौं जस्तो ठाउँमा पनि दलित माथि विभेद छ । दलित भएकै कारण कोठा नपाउँने जस्ता समस्या कायमै छ । यसलाई अन्त्य गर्न मैले आफ्नो वडामा शिक्षा र जनचेतनामुलक कार्यक्रममा जोड दिन्छु’ रन्जीताले भनिन् ।

त्यसैगरी काडमाडौं वडा नम्बर १ र २८ का वडा सदस्य ललिता कार्की ढोली र मिना सुनार पनि काठमाडौंमा बसोबास गर्ने मानिसको सोचमा रहेको छुवाछुत हटाउन पहल गर्ने योजना सुनाइन् ।

शोषित पीडित जनताले आफूप्रति गरेको विश्वास खेर जान नदिने वडा नं. २८ की दलित महिला सदस्य ललिता कार्की ढोलीले बताइन् ।
‘हामीलाई भोट दिएर जनताले जिताएका छन् । त्यसैले दलित माथि हुने गरेको भेदभाव अन्त्य गर्न मेलै पहल गर्ने छु । जातिय प्रथाका कारण महिला बढी विभेदमा परेकाले महिलालाई शिक्षा, चेतना र सिपमुलक कार्यक्रम ल्याउने छु’– ढोलीले भनिन् ।
‘म सानो छँदा दलित माथि हुने विभेद विरुद्ध आवाज उठाएको सुनेन । अब म उठाउँछु । म आफैभित्र पनि आत्मविश्वास बढेको छ । यसलाई

अन्त्य गर्न मैले शिक्षामा जोड दिएको छु र प्रौढ शिक्षा समेत सुरु गरेकी छु’ –काठमाडौं महानगरपालिका, १ की दलित महिला सदस्य मिना सुनारले भनिन् ।

काठमाडौंमा रहेको जातीय विभेद एक्लैको प्रयासले सम्भव नहुने भएकाले सबै दलित सदस्यको पहलमा मात्रै सम्भव हुने उनले बताइन् । यसको लागि सबै वडाका महिला सदस्यबीच समन्वय भइरहेको उनको भनाई छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: