४ दिनकी सुत्केरी भोकै


प्रकाशित मिति :2017-08-15 10:39:04

-प्रताप विष्ट-

श्रावण ३१, २०७४- तीन दिन भयो, मुखमा अन्न परेको छैन । टाँकीको साग उसिनेर पेट भरिरहेकी छन् । दूध नआउँदा शिशु रुने गर्छ । रूखको फेदमा २ थान प्लास्टिक टाँगेर ४ दिनकी सुत्केरी सुस्मिता चेपाङ आश्रित छिन् । झरी छेक्न टाँगेको कालो प्लास्टिकबाट पानी थोत्रो कपडाको ओछ्यानमा चुहिएर भिजेको छ ।

मकवानपुरको मनहरी गाउँपालिका ४ हाँडीखोला चिसापानीकी सुत्केरी सुस्मिता चेपाङ । ४ दिनकी सुत्केरी उनी शुक्रबारदेखि छाप्रोमा बस्न बाध्य छिन् ।

त्यही थोत्रो कपडामा शिशुलाई बेरेर सुताइएको छ । छेउमा सुस्मिता सुतेकी छन् । शिशु छिनछिनमा रुने गर्छ । दूध चुसाउँछिन् तर आउँदैन । तीनवटा ढुंगा जोडेर चुलो बनाइएको छ । त्यही चुलोमा सिलाबरको कराहीमा टाँकीको साग उसिनेर राखिएको छ ।

विगत ३ दिनदेखि सुस्मिताले त्यही साग र तातो झोलले प्राण धानिरहेकी छन् । कमजोर भएर उभिन नसक्ने भइन् । उनका पति सुमन कामको खोजीमा सोमबार बिहान हाँडीखोलाको मसिने गाउँतिर गएका छन् । तर सोमबार अबेरसम्म फर्केका थिएनन् । मनहरी हाँडीखोलास्थित मुसेधापभन्दा माथिको जंगलको पाखामा रहेको रूखको फेदमा प्लास्टिक टाँगिएको छ । १० दिनअघि सुत्केरी भएकी रीता चेपाङ र साउन १ गते सुत्केरी भएकी अर्पना चेपाङले पनि त्यहीं आश्रय लिएर बसेका छन् । अर्की एक ९ महिनाकी गर्भवती चेपाङ महिला पनि त्यहीं बसेकी छन् । सुस्मिताकै नियति उनीहरूले भोगेका छन् । प्लास्टिकबाट चुहिएको पानी र भुइँको चिसोले उनीहरूलाई रुघाखोकीसमेत लागेको छ ।

स्थानीयका अनुसार दुई थान प्लास्टिकमुनि ३ परिवारका १२ जना अटेका छन् । राम्रोसँग खुट्टा तन्काएर सुत्न पनि पुग्दैन । तर उनीहरू रातभर अगेनामा आगो बालेर ओत लाग्ने गरेका छन् । मनहरी गाउँपालिका चिसापानी पाखामा अविरल वर्षाले शनिबार बिहान पहिरो खस्दा सुस्मिता, रीता र अर्पना परिवारको मात्र होइन स्थानीय ३४ चेपाङ परिवारसहित ३८ घरधुरीका बासिन्दा पाखामा पुगेका छन् । घर पहिरोले पुरेपछि थोत्राथात्री लुगा र १/२ थान भाँडाकुँडा झिक्न सफल भए । ‘सबै पहिरोले घरसँगै पुरिदियो, ‘मनहरी गाउँपालिका अध्यक्ष एकराज उप्रेतीले भने, ‘पीडितसित लगाएको कपडाभन्दा अरू केही छैन, पेटमा अन्न नपरेको पनि तीन दिन भइसक्यो ।’

पहिरोले चिसापानी पाखा भासिएको छ । पहिरोपीडित हाँडीखोलास्थित प्रजा प्रावि, चर्च र रूखको फेदमा प्लास्टिक टाँगेर बसेका छन् । ‘पहिरोपीडितको अवस्था दर्दनाक छ,’ गाउँपालिका अध्यक्ष उप्रेतीले भने, उनीहरूको अवस्था देख्दा मनै भक्कानिएर आउँछ ।’ चुरेको घाँचमा रहेको उक्त बस्तीका चेपाङको काठको कतेर छाप्रो थियो ।

पहिरोले अधिकांशको काठसमेत पुरिदिएको छ । बिहान उज्यालो भएपछि पहिरो गएकाले सबै घरबाट बाहिर निस्कन भ्याएको पहिरोपीडित ६० वर्षे साहिला चेपाङले बताए । ४ दिनकी सुत्केरी र नवजात शिशुलाई उनले घरबाट निकालेको बताए ।

साभार : कान्तिपुर दैनिक

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: