बाढीले महिला, बालबालिका र बृद्धा बढी प्रभावित


प्रकाशित मिति :2017-08-17 12:29:08

-महिला खबर-

काठमाडौं । यतिबेला तराई ढुबानले देश शोकमय बनेको छ । सम्भवत अहिलेसम्मकै सवैभन्दा ठूलो क्षति हुने गरि आएकोे बाढीले १२३ जनाको ज्यान लगिसकेको छ भने सयौ घरपरिवार विस्तापित  र हजारौँ मानिस प्रभावित बनेका छन् । कति बेपत्ता र घाइते भएका छन् । जसमा महिला, बालबालिका र बृद्धबृद्धा सवैभन्दा बढी प्रभावित भएको पाइन्छ ।

प्रकोपमा सवैभन्दा बढी महिला, बालबालिका र बृद्धबृद्धाहरु बढी जोखिममा हुने भन्दै महिला, बालबालिका तथा समाज कल्याण मन्त्रालयले समेत उद्धार, राहत र पुनस्थापनामा सम्वेदनशील हुन सवैलाई आग्रह गरेको छ ।

स्वास्थ्य मन्त्रालय, महामारी तथा रोग नियन्त्रण महाशाखाका निर्देशक डा. भीम आचार्यले प्रकोपका समयमा गर्भवती, सुत्केरी महिला, बालबालिका र बृद्धबृद्धा बढी प्रभावित हुने बताउनुहुन्छ ।

‘गर्भवती महिलाको गर्भपतन हुने, व्यथा लाग्ने, शिशुलाई दुध खुवाउन नसक्ने, पोसिलो खाना नपाउने, पौडी खेल्न नजान्दा जोखिम हुने समस्याहरु हुने गरेका छन्’ निर्देशक डा.आचार्यले भन्नुभयो । त्यसैले पनि महिला, बालबच्चा र बुढाबुढीहरुलाई विशेष रुपमा हेर्नुपर्ने उहाँ बताउनुहुन्छ ।

बाढीपछि महामारी फैलन सक्ने सम्भावना बढी हुने र त्यसमा पनि यो वर्ग (महिला,बालबालिका, बृद्धबृद्धा) बढी जोखिममा पर्ने भएकाले सतर्कता अपनाउनुपर्ने उहाँ बताउनुहुन्छ । यसका लागि बाढी पीडितहरु अस्थायी रुपमा बसोबास गरिरहेकै स्थलमा जनस्वास्थ्य तथा जिल्ला अस्पतालहरुले घुम्ती स्वास्थ्य शिविर सञ्चालन गरिसकेको जानकारी बताउनुभयो ।

आवश्यक सहयोगका लागि सिधैं डा.आचार्यको मोबाइल नम्बर ९८५१०९६०८९ र महाशाखाको हटलाइन नम्बर ०१–४१००१८७ र ०१–४२६२२६८ मा सम्पर्क गर्न सकिने उहाँले जानकारी दिनुभयो ।

बाढी प्रभावित क्षेत्रमा पानीजन्य रोगहरु झाडा पखाला, हैजा, टाइफाइड, जण्डिस (हेपाराइटिस) औलो, डे‌‌‌गु, चिकनगुनिया रोग देखिने सम्भावना भएकाले सबैलाई सर्तकता अपनाउन समेत उहाँकाे आग्रह छ ।

सम्भावित स्वास्थ्य समस्याबाट बच्ने उपायहरु :

-पानी उमालेर खाने ।
-पाँच लिटर खानेपानी शुद्धिकरण गर्न १ चक्की क्लोरिन हालेर मात्र खाने ।
-अस्थायी शौचालयको प्रयोग गर्ने ।
-झुल लगाएर मात्र सुत्ने ।
-खाना खानु अघि, दिसा गरि सकेपछि, फोहोरमैला छोएपछि, बच्चाको दिसा  धोएपछि  साबुन पानीले हात धुने ।
-खाना पकाएर मात्र खाने । काचो खानेकुरा सकभर नखाने ।
-बासी, सडेगलेको, झिँगा बसेको र खुल्ला रुपमा राखिएका खानेकुराहरु नखाने ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: