बेन्चमा बस्न पाउँदा दंग छन् दलित प्राविका विद्यार्थी


समाचार प्रभाव

प्रकाशित मिति :2017-08-17 16:44:36

-महिला खबर-

काठमाडौं । एक हातमा बोरा र एक हातमा किताब बोकेर हिँड्नुपर्ने अवस्था रहेको पर्साको बहुवन स्थित दलित प्राथमिक विद्यालयका विद्यार्थी यतिबेला डेक्स, बेन्चमा बसेर पढ्न पाउदा दंग परेका छन् ।

वि.स २०६३ सालमा स्थापना भएको उक्त विद्यालय १२ वर्ष वितिसक्दा समेत भौतिक पूर्वाधारबिना नै सञ्चालन हुँदै आएको थियो ।

विद्यालयको समस्या विषयमा महिला खबर लगायत विभिन्न सामाजिक सञ्जालमा समाचार प्रकाशन भएपछि आर्थिक सहयोग जुट्न थालेको थियो । विद्यालयलाई सहयोगका लागि विभिन्न दलित अभियन्ताहरु रोजन  भुषाल, कमला हेमचुरी, आशिष परियार लगायत समेत एक जुट भएर लागि परेका थिए ।

विभिन्न दाताहरुबाट संकलित २ लाख ६४ हजार ६ सय रुपैँयाबाट विद्यालयमा ५४ वटा डेक्स र बेन्च हस्तान्तरण गरिएको छ ।

विद्यालयका शिक्षक मनोज रामले चिसो भँइमै बस्दै आएका विद्यार्थी डेक्स, बेन्च पाएसगैँ खुसी भएको बताउनुभयो । विद्यालयमा भौतिक पूर्वाधारको व्यवस्था भएसगैँ पठन पाठनमा समेत सुधार हुने उहाँको विश्वास छ ।

विद्यालयका प्रअ जादु शाह तेलीले सहयोगको अन्य रकमबाट विद्यालयको भौतिक पूर्वाधारमा खर्च गरिने भन्दै सहयाेगप्रति धन्यवाद दिनुभएको थियो ।

विद्यालयको समस्या बारेमा महिला खबरमा समाचार प्रकाशन भएसगैँ न्युज ट्वान्टी फोरको जनतासँग सिधा कुरामा प्रसारण भएको थियो । समाचारको प्रभावका कारण अमेरिकाबाट समेत ३ लाख रुपैँया सहयोग प्राप्त भएको विद्यालयले जनाएको छ ।

यो पनि हेर्नुहोस् 

बर्षाैदेखि चिसो भुँइमै पढ्छन् दलित विद्यार्थी

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: