विवाहित छोरीको सनाखतमा ९८ वर्षीया आमालाई नागरिकता


प्रकाशित मिति :2017-08-18 15:35:31

-अप्रिल अधिकारी-

रामेछाप । सुनापति गाउँपालिका ३, की गौरीमाया नेपाली ९८ वर्ष पुग्नुभयो । अहिलेसम्म नेपाली नागरिकताको बनाउन नसक्दा उहाँ राज्यले प्रदान गर्ने सामाजिक सुरक्षा भत्ताबाट बञ्चित हुनुहुन्थ्यो ।

बृद्ध अवस्थामा हातमुख जोर्न अर्काको घरमा काम गरेर बनिबुतो गर्दै आएकी गौरीमायाले मंगलबार नेपाली नागरिकता पाउनुभएको छ । नागरिकता परिचय पत्र हातमा परेपछि उहाँको मुहारमा खुसी छाएको थियो । उमेर पुगेर पनि नागरिकता नहुँदा पाउन नसकेको बृद्धभत्ता अब बाँचुन्जेल पाउँछु भन्ने एउटै खुशी उहाँमा पलाएको हो ।

जिल्ला सदरमुकामबाट नागरिकताको घुम्ती शिविर गाउँमा नै आउने खबर सुनेर छोरीका साथमा शिविरमा पुग्नु भएकी गौरीमाया प्रमुख जिल्ला अधिकारी सुर्य बहादुर खत्रीले नागरिकता प्रदान गुर्न भएको थियो ।

बृद्धालाई नागरिकता दिएसँगै प्रमुख जिल्ला अधिकारीले बाटो खर्च स्वरुप एक हजार रुपैयाँ समेत दिएर सम्मानका साथ शिबिरबाट बिदाई गर्नुभयो । उहाँको श्रीमानको मृत्यु धेरै अघि भएको हो ।

श्रीमानको मृत्यु पश्चात गौरीमाया अर्काको घरमा काम गर्दैै गुजारा चलाउदै आउनुभएको छ । उहाँको सन्तानको नाम एक मात्र छोरी हुनुहुन्छ । छोरीको पनि विवाह भइसकेको छ । एक्लो बनेपछि उनी जहाँ काम ग¥यो त्यही खाने र बस्ने गर्दै आउनुभएको थियो । आमाको अवस्था कमजोर भएपछि छोरी मंगलमाया दर्जीले आफ्नै घरमा ल्याइ राख्नुभएको छ ।

छोरी मंगलमायाले आफ्नै सनाखतमा आमालाई नागरिकता दिलाउनुभएको हो । विवाहित छोरी बाहेक उहाँको अरु कोही नभएको अवस्थामा व्यवहारिकतालाई ध्यान दिएर उसको नागरिकता पाउने अधिकारलाई सुरक्षित गरि दिएको प्रमुख जिल्ला सुर्य बहादुर खत्रीले जानकारी दिनु भयो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: