अपांगतामैत्री संचार निर्देशिका बारे छलफल


प्रकाशित मिति :2017-08-18 17:23:34

महिला खबर

काठमाडौं । नेपाल अपांग महिला संघले ‘अपांगता मैत्री संचार निर्देशिका २०७३’ का विषयमा आज ललितपुरमा पत्रकारहरुसगँ छलफल गरेको छ । अपांगता भएका व्यक्तिहरुको अधिकार र गरिमाको संरक्षणमा टेवा पु¥याउने उदेश्यले बनाएको निर्देशिका संचारमाध्यम र संचारकर्मीहरुले प्रयोगमा ल्याउन तथा पालना गराउन पहल स्वरुप छलफल गरिएको संघले जनाएको छ ।

पत्रकार आचारसंहिता २०७३ को दफा १२ लाई आधार बनाई नेपाल पत्रकार महासंघ र रााष्ट्रिय अपांग महासंघ नेपालको समन्वयमा प्रेस काउन्सिलले २०७३ माघमा उक्त निर्देशिका जारी गरेको थियो ।

सवैभन्दा धेरै नागरिकको पहुँच हुने संचारमाध्यममा जानेर वा अन्जानमा अपांगता भएका व्यक्तिहरुको आत्मसम्मानमा ठेस पुग्ने शब्दावली, उखानटुक्का र भनाईहरु प्रकासन, प्रसारण भैरहेकाले संचारमाध्यमबाटै त्यसको सुधार खाँचो रहेको नेपाल अपांग संघका अध्यक्ष निर्मला धितालले बताउनुभयो । विद्यमान सामाजिक चिन्तन र भ्रमलाई चिर्न पनि निर्देशिका आवश्यक रहेको उहाँले बताउनुभयो । अरुलाई सामान्य लाग्न विषय र शब्दले पनि अपांगता भएका व्यक्तिहरुको आत्मसम्मानमा ठूलो चोट पुग्ने र त्यस विषयमा संचारमाध्यमले चेतना जगाउन महत्वपूर्ण भूमिका खेल्न सक्ने संघका सल्लाहकार एवं राष्ट्रिय अपांग महासंघका उपाध्यक्ष टिका दाहालले बताउनुभयो ।

सो अवसरमा संचारिका समूहकी अध्यक्ष निर्मला शर्माले निर्देशिकाको विषय बुलेटमा पत्रकार महासंघकै आचारसंहितामा समावेश गर्नुपर्ने बताउनुभयो । साथै अपांगता भएका व्यक्तिहरुको सावल सम्वेदनशील भएकाले यसबारे पत्रकारिताको पाठ्यक्रममै समावेश गर्नुपर्नेमा जोड दिनुभयो ।

निर्देशिकामा अपांगता भएका व्यक्तिहरुका विषयमा समाचार लेख्दा प्रयोग गर्नुपर्ने र लेख्न नहुने शब्दावली, उखानटुक्का, भनाईहरु छुटट्छुटै उल्लेख गरिएको छ । उक्त निर्देशिका सवै संचारगृहहरुलाई पालना गर्न गराउन आग्रह गरिएको प्रेस काउन्सिलका सहप्रशासकीय एवं सुचना अधिकृत दिपक खनालले बताउनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: