पत्रकार महासंघको महाधिवेशन आजबाट शुरु


प्रकाशित मिति :2017-08-20 10:57:39

महिला खबर

काठमाडौं । नेपाल पत्रकार महासंघको २५ औँ महाधिवेशन आजबाट काठमाडौंमा सुरु हुँदैछ । ‘व्यवसायिक पत्रकारिताको आधारः प्रेस स्वतन्त्रता र श्रम अधिकार’ भन्ने मूल नाराका साथ महाधिवेशनको उद्घाटन कमलादीस्थित नेपाल प्रज्ञा प्रतिष्ठानमा विहान दश बजे प्रधानमन्त्री शेरबहादुर देउवाले गर्ने कार्यक्रम रहेको छ । सोमबारसम्म चल्ने महाधिवेशनका लागि जिल्ला जिल्लाबाट प्रतिनिधि राजधानीमा आइसकेका छन् ।

नयाँ नेतृत्वका लागि प्रत्येक तीन–तीन वर्षमा हुने महाधिवेशनले ४५ सदस्यीय नयाँ कार्यसमिति समेत चयन हुनेछ । महाधिवेशनले अध्यक्ष, उपाध्यक्ष – २, महासचिव–१, सचिव –६ र कोषाध्यक्षसहित ४५ सदस्यीय नयाँ कार्यसमिति चयन गर्नेछ । यसपटकदेखि दलित, मधेशी सचिव पनि थपिएसगै चार सचिब हुनेछ ।

सात प्रदेशसहित उपत्यका, प्रतिष्ठान र एशोसिएट गरी १० प्रदेशमा नयाँ नेतृत्व चयन गरिने छ । प्रत्येकबाट दुईजना केन्द्रीय सदस्य रहने व्यवस्था गरिएको छ । महाधिवेशनमा एक हजार ५ सय १५ प्रतिनिधिको सहभागिता हुनेछ ।

नेतृत्वका लागि ३ जना पत्रकारले उम्मेदवारी दिएकोमा एक जना पनि महिला परेको छैन । नेपाल प्रेस युनियन, प्रेस सेन्टर नेपाल र प्रगतिशील पत्रकार संघबीच तालमेल भएको लोकतान्त्रिक, जनपक्षीय र समावेशी गठबन्धनले अध्यक्षमा पुरुषलाई नै अगाडी सारेको छ ।

त्यस्तै एमाले सम्बद्ध प्रेस चौतारी नेपाल नेतृत्व गठबन्धनले अध्यक्षमा पुरुषलाई नै उठाएको छ । भने आदिवासी जनजाति पत्रकारहरुको समर्थनमा स्वतन्त्र उम्मेदवार पनि पुरुष नै उठेका छन् ।

वि.स २०६३ सालमा एक महिला केन्द्रीय सदस्य अनिवार्य राखिएकोमा अहिलेसम्म आइपुग्दा चार पार्षद मध्ये एक महिला अनिवार्य भनिएको छ । विगतमा १ सय ५० पत्रकार महिला मात्रै पार्षद थिए भने अहिले २ सय ६८ महिला पार्षद रहेका छन् । तर आरक्षण बाहेक अध्यक्ष लगायत नेतृत्व तहमा भने महिलाहरु आउन सकेका छैनन् ।

यसपटक पनि कारीकार्य पदको आरक्षण सचिब पदमा मात्र महिलाबीच प्रतिस्प्रर्धा भएको छ । २५ औँ महाधिवेशनका लागि २०७४ को कुल सदस्य संख्या १२ हजार ७ सय ८४ मध्ये पत्रकार महिलाको संख्या २ हजार २ सय ४७ रहेको छ । (महासंघको २०७४ को प्रारम्भिक तथ्याङक)

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: