पत्रकार महासंघको निर्वाचन आज, १७ पत्रकार महिला चुनावी मैदानमा


प्रकाशित मिति :2017-08-21 09:46:35

महिला खबर

काठमाडौं । नेपाल पत्रकार महासंघको २५ औं महाधिवेशनबाट नयाँ नेतृत्व चयनको लागि मतदान आज हुने भएको छ । बिहान ९ बजेदेखि दिउँसो ३ बजेसम्म मतदान हुने निर्वाचन समितिले जनाएको छ ।

४७ सदस्यीय केन्द्रीय समिति र ३ सदस्यीय लेखा समितिको लागि देशभरबाट काठमाडौं आएका सभासद्ले मतदान गर्ने छन् । जसमा १७ जना महिलाले विभिन्न पदमा उम्मेदवारी दिएका छन् । केन्द्रीय समितिको नेतृत्वका लागि ५ जनाको अध्यक्षमा उम्मेदवारी परेको छ ।

अध्यक्षमा तीर्थ कोइराला, गोविन्द आचार्य, उजिर मगर, भावना विद्रोही र इन्द्रबहादुर राउतले उम्मेदवारी दिएका हुन् । कोइराला प्रेस चौतारी र मधेश केन्द्रित दलहरुको उम्मेदवार हुन् भने आचार्य प्रेस युनियन र प्रेस सेन्टरका तर्फबाट उम्मेदवार हुन् । उजिर मगर, भावना विद्रोही र इन्द्रबहादुर राउतले स्वतन्त्र उम्मेदवारी दर्ता गराएका हुन् ।

त्यसैगरी खुला उपाध्यक्ष पदमा मात्रिका पौडेल, विपुल पोख्रेल र दीपक पाठकको उम्मेदवारी परेको छ । समावेशी उपाध्यक्षमा भने दीलिप थापामगर र महेश दासको उम्मेदवारी परेको छ । महासचिव पदको लागि बालकृष्ण बस्नेत र रमेश विष्ट उम्मेदवार छन् ।

सचिव पदमा रुद्रप्रसाद भट्ट, दीपेन्द्र कुँबर, भुपराज खड्का र रामप्रसाद दाहाल उम्मेदवार छन् । महिला तर्फको सचिव पदमा सुष्मा पौडेल र लक्ष्मी पुनले उम्मेदवारी दिएका छन् । आदिवासी जनजाती सचिव पदमा सिद्धराज राई र उदय जी. एम.को उम्मेदवारी छ । मधेशीबाट सचिवका लागि अतिशकुमार मिश्र र शीतलप्रसाद महतोले उम्मेदवारी दिएका छन् । दलितबाट सचिवमा हेकमर्ण विक रेमबहादुर विश्वकमा र एशोसिएटबाट सचिवमा प्रकाश थापा र महेन्द्रप्रसाद भट्टराईले उम्मेदवारी दिएका छन् । सचिव पदमा ६ जना निर्वाचित हुनेछन् ।

कोषाध्यक्ष पदको लागि खगेन्द्र पन्त र राजेश मिश्रको उम्मेदवारी परेको छ । त्यसैगरी लेखा समितिको संयोजकमा रामहरि सिलवाल र रोशन पुरी सदस्य छन् ।
सदस्यमा खुलातर्फ ३ र महिला सदस्यतर्फ ७ जना महिलाले उम्मेदवारी दर्ता गराएका छन् । महिला सदस्यको ३ जना निर्वाचित हुने पदमा उर्वसी बस्न्यात (न्यौपाने), निमा काफ्ले, गगनशिला खड्का, स्वेता सिन्हा, सृजना अर्याल, जानुका बराल र रुवी श्रेष्ठ (रामकुमारी) ले उम्मेदवारी दिएका हुन् ।

त्यसैगरी कुल १८ जनाको उम्मेदवारी परेको खुला सदस्यतर्फ चाँदनी हमाल, रमा दाहाल र मनिता चाम्लिङ गरी ३ जना महिलाले उम्मेदवारी दिएका छन् । खुला सदस्यमा ५ जना निर्वाचित हुने विधानले व्यवस्था गरेको छ । त्यस्तै २ पदको दलित सदस्यमा ४ जनाको उम्मेदवारी छ । त्यसमा मधु शाही महिला उम्मेदवार छिन् ।

मधेशी सदस्य पदको लागि माला कर्ण, ६ वटै प्रदेशबाट २/२ जना केन्द्रीय सदस्य निर्वाचित हुने व्यवस्था छ । ३ सदस्यीय लेखा समितिमा महिला सदस्य पदका लागि बबिता शर्मा र मीरा राजभण्डारीले उम्मेदवारी दिएका छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: