एलिनाको जीवनरक्षाको अपिल


प्रकाशित मिति :2017-08-25 15:52:43

-दीपबहादुर घर्ती-

जाजरकोट । कुशे गाउँपालिका–७ नारेकी १४ बर्षिया रक्त क्यान्सर पीडित एलिना हमालले उपचारका लागि सहयोगको याचना गरेकी छन् ।

सिभिल अस्पताल काठमाडौंमा उपचार गराइरहेका उनको गत बैशाखमा वीर अस्पतालले रोग पत्ता लगाएपछि सिभिलमा उपचार गराउन थालेको हो । तर आर्थिक अभावका कारण उपचारमा समस्या भएको बुबा दीपक हमालले बताए ।

विरेन्द्र माध्यामिक विद्यालयमा कक्षा–८ मा अध्ययनरत एलिना पढाईमा अब्बल छन्् । कक्षा–८ को परिक्षा दिदै गर्दा एलिनालाई ज्वरो आउने, खुट्टाका पिडौला फर्किने, खोकी लाग्ने, झन्नन् रिसाउने जस्ता लक्षण देखा परेपछि गत बैशाखमा नेपालगञ्जको जयमा जानकी अस्पताल पुर्याईएको थियो ।

सोही अस्पतालको रिफरमा वीर अस्पताल ल्याएको र वीरको रिफरमा सिभिल अस्पताल बानेश्वरमा भर्ना गराएको बुबा दिपकले बताए । छोरीको रोग पत्ता लगाउन मात्रै झण्डै दुई लाख रुपैया खर्च भएको उनले बताए ।

रोगवाट पुर्ण रुपमा साँञ्चो गराउन दुई बर्ष लाग्ने र त्यसका लागि १६ लाख रुपैया खर्च लाग्ने डाक्टरले बताएको बुबा दिपकले बताए । सरकारवाट उपलब्ध गराईने “बिपन्न नागरिक कोष” बाट प्राप्त एक लाख सहित ६ लाख रुपैया खर्च भैसकेको उनले बताए । ‘६ लाख खर्च भैसक्यो अब कसरी खर्च जुटाउने, दीपकले भने,–‘झिटीझ्म्टो सबै सकियो, अब कसरी उपचार गर्ने ।’

घरमा सम्पतिका नाममा एक हल गोरु र एक भैसी मात्र भएका दिपक हमाल छोरीको उपचारमा लाग्ने खर्च जुटाउन ऋण माग्दै सबैको घरदैलो धाउने गरेका छन् । जग्गा बेचौं भनेपनि गाउँको जग्गा विक्री नहुने उनले बताए । दीपकका ४ छोरी र एक छोरा छन् ।

उपचारमा संलग्न डा. विशेष पौडेलले एलिनालाई बेला–बेलामा किमो चलाउनु पर्ने, बोनम्यारो चेक गरिरहनु पर्ने बताएका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: